Næringsliv | 18. des. 2017

Byggmester Skaatun med ny avtale

Blir forhandlar av Urbanhus.

Byggmester Skaatun med ny avtale
Dagleg leiar Ståle Skaatun i Byggmester Skaatun og dagleg leiar Åse Kristin Foss i Urbanhus Kjededrift signerte måndag forhandlaravtale (pressefoto)
Andris Hamremandag 18. des. 2017 15:10

Måndag skreiv Byggmester Skaatun AS kontrakt med Urbanhus Kjededrift as.

– Vi har i dag inngått ein kjedeavtale med Byggmester Skaatun as, og gler oss over å setja preg på Os, Fusa og Samnanger.

– Marknaden er der allereie, og med den nye hovudvegen frå Bergen vil Os bli eit solid satsingsområde. Timinga for etablaringa er gull, skriv Åse Kristin Foss, dagleg leiar i Urbanhus Kjededrift as i ei pressemelding.

Solid byggmeister

Byggmeister Skaatun har eksistert i heile 45 år og har gradvis opparbeidd seg ein solid kompetanse på arkitektteikna einebustadar, tilbygg og rehabiliteringsprosjekt.

– Vi gler oss over å ha teikna forhandlerstatus med ein solid og erfarne verksemd med godt omdømme, seier Foss.

Skaatun leverer byggjeprosjekt frå A til Å med prosjektering, byggjesøknad, koordinering og utføring. I tillegg til eigen NITO takstingeniør som tilbyr verdi- og lånetakster, byggekontroll, uavhengig kontroll og ferdigbefaring.

Skaatun er også kjend for eigenutvikla reiskapsbodar produsert for å kunna tola eit tøft norsk klima.

Moderne funkisinspirert arkitektur

Urbanhus har hovudkontor i Haugesund og er representert i heile landet.

– Urbanhus har spesialisert seg på moderne funkisinspirert arkitektur og leverer skreddersøm basert på kundane sine ønskjer og behov.

– Vi ser ein stadig vekst i henvendelsar frå kunder som ønskjer noko meir enn eit ferdighus, sjølv om vi har ein stor digital katalog med både hus og hytter. Det er kanskje ikkje så rart med tanke på den store mengden inspirasjon vi blir eksponert for gjennom bildedelingstenester som Instagram, Pinterest og liknande. I tillegg til bustadblogger og interiør- og bustadforum som er lett tilgjengeleg.

Samarbeider med Optimera

Med på laget er også Optimera.

– Dei er ein hovudsamarbeidspartner for oss med sitt store tenestetilbod og varesortiment. Dei utfyller oss og gir oss kompetanse frå første strek til huset eller hytta står ferdig på tomten.

– På den måten blir det enkelt å byggje arkitekttegna hus, utan at det blir for mange fordyrande og kompliserande ledd, og det tykkjer vi er kjekt, avsluttar Foss.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.