Byvekstavtalen: Fylkestinget sa ja - no ventar avgjerd i Alver og Øygarden

Byvekstavtalen, som i grove trekk handlar om at all vekst i persontrafikk skal skje i form av gange, sykling og kollektivtransport, var oppe til behandling i Bjørnafjorden formannskap tysdag i førre veke.

Kritikarane fryktar at avtalen skal hindra bustadbygging i bygdene.

Byvekstavtalen har vore oppe til forhandling både i mai og desember 2019, omfattar Bergen og nabokommunane Bjørnafjorden, Alver, Askøy og Øygarden.

Gulrota er midlar til bygging av gang- og sykkelveg, for Bjørnafjorden kommune sin del 27,1 millionar kroner i året - i 10 år.

Etter ein lengre debatt (abo) gjekk Bjørnafjorden formannskap, med 5 mot 4 stemmer (Ap, MDG, Sp, KrF og Høgre mot 3 Frp og Harald Lekven) inn for å seia ja til avtalen.

I går gjekk også fleirtalet i fylkestinget inn for å seia ja til avtalen.

14 av 65 sa nei

Byvekstavtalen skal gi 13 milliardar kroner til kollektivtrafikk og gang- og sykkelvegar i bergensormådet.

I fylkestinget kjempa FNB og Frp imot avtalen.

– For Alver kommune vil denne avtalen verka sentraliserande. Får vi ikkje bygga i dei ytre bygdene vil det fort bli snakk om å legga ned skular, sa Morten Klementsen (FNB) ifølgje BT.

Men berre 14 (6 FNB, 6 Frp og 2 Rødt) av 65 stemte nei til avtalen.

Høgre ved Silja Ekeland Bjørkly sa at det ikkje var arealbegrensande tiltak i planen, berre ei stadfesting av eksisterande retningslinjer. Senterpartiet sa omtrent som i Bjørnafjorden, at dei var skeptiske til avtalen, men at det var uaktuelt å seia nei til så mykje midlar.

Treng ja frå fleire kommunar

Men saka om byvekstavtalen er ikkje avgjort. Staten har ikkje mandat til å signera utan at alle er med. Då må det i så fall lagast ny avtale.

Fristen er 1. april i år.

I Øygarden kommune og Alver kommune blir det avgjerd først i neste veke.

I Alver er FNB det største partiet i kommunestyret. Sammen med Frp og Rødt har dei 14 av de 47 setene i kommunestyret.

– Vi treng ti til, og det trur eg kan skje. Eg har snakka med fleire i andre parti som er imot avtalen, seier Klementsen til BT.

Fylkesmann Lars Sponheim har ifølgje Avis Nordhordland hissa på seg nokre lokalpolitikarar i Alver etter at han skal ha sagt at dei har sjanse til å stemma nei, men at han håper dei ser at det er ganske uproft.