Christian Fotland – ny rådmann?

Tilsettingsutvalet stå i samarbeid med Headvisor, med Rune Bruket i spissen, for rekruttering av ny rådmann i Os kommune.

Her er alle søkjarane.

Christian Fotland (49) har åtte års rådmannserfaring frå Radøy og Lillehammer, og kjem no frå stillinga som administrerande direktør ved Høgskulen i Bergen. Han har òg relevant leiarerfaring frå skulesektoren, mellom anna i Øygarden og Bergen kommune.

Stillinga har vore lyst ut i regionale og nasjonale media med søknadsfrist 29.november. I tillegg har Headvisor stått for aktivt søk i utlysingsperioden.

Tilsettingsutvalet har bestått av ordførar Terje Søviknes (Frp), varordførar Marie E. Bruarøy (H), opposisjonsleiar Helge Steinum (Ap), hovudtillitsvald Åse Gjerde (Delta) og hovudtillitsvald Jonny Christensen (Fagforbundet).

- Fotland er ein solid kandidat til rådmannsstillinga i Os kommune. Han har relevant utdanning innan administrasjon og leiing, og kan syne til gode resultat som rådmann i Radøy og Lillehammer. Dersom Fotland får stillinga er eg viss på at han vil bli ei positiv drivkraft i vidareutviklinga av vekstkommunen Os, seier ordførar i Os kommune Terje Søviknes (Frp) i ei pressemelding.

Kommunestyret handsamar innstillinga frå tilsettingsutvalet i møtet 15. desember.