Cobra opp i røyk

I 13.30-tida søndag fekk Hovedredningssentralen melding om båtbrann i Korsfjorden. Ein 28 fot stor Cobra sto i full fyr.

- Det var éin person i båten. Han er tatt uskadd om bord i ein annan båt som kom til, fortel operasjonleiar Ragnar Lyssand ved Hordaland politidistrikt til bt.no, som også har bilde frå brannen.

Losskøyta «Los 108» var lengre ute i Korsfjorden i anna oppdrag og kom til staden etter 20 minutt. Då var fleire andre fritidsbåtar på staden.

Losskøyta har sløkkeutstyr og fekk sløkt brannen, men båten var totalskadd og sokk.