Coca Cola-nissen til Er-An igjen

Etter den amerikanske reklameteiknaren Haddon Sundblom i 1931, på oppdrag frå Coca Cola, teikna sin versjon av Santa Claus, har den raude drakta og det store kvite skjegget, Coca Cola-nissen, vore identiteten til den moderne julenissen.

Fleire plassar i verda går Coca Cola sin Christmas Caravan, den lysande traileren med nissen om bord, frå by til by i desember månad. I Noreg har den amerikanske nissen vore på vegen sidan slutten av 90-talet.

– Det var vondt å sjå denne caravanen køyra forbi Røykenes, seier innehavar av den USA-inspirerte restauranten Er-An Veikro i 2013.

Ho kontakta Coca Cola sjølv for å by nissen på mat. Sidan har den vore innom kvart år, men ikkje som ein stoppestad på det offisielle programmet.

Når magen bestemmer

– Alt blir styrt av svolt og ferjeruter. Eg fekk ikkje stadfesta før i går kveld at han kom innom i år òg. Det fine besøket kjem tidleg laurdag kveld, fortel Linda.

Nissen tar ein pitstop for å eta på veg frå Bergen eller Åsane og sør til Stord. Enkelte år ein haug med medisterkaker utan tilbehør, andre år ein lettare vri, ein tallerk med aure.

– Eg er like spent kvart år, både på kva han vil eta og om han i det heile tatt kjem.

Den karakteristiske traileren er med, men nissen kjem i eigen bil. I år kjem nissen før Cola-bilen.

– Nissen landar klokka 18.30, og tar seg tid til å ta imot ønskjelister og møta ungane, mens den dekorerte traileren kjem ein cirka ein halvtime seinare, fortel Linda.