Cubana Oseana

Os Fotoklubb solgte fem av bileta då dei hadde utstilling i Oseana før jul. No har dei rydda plass til enno meir eksotiske strøk når den kubanske målaren Ramon E. Haiti Filiu rykkar inn.

- Ramon har kalla utstillinga si "Livets stier og former", fortel kulturhusvert Janne Mari Hjelle om utstillinga som opnar laurdag klokka 15.

Til vernissagen har kunstnaren fått med seg Club Tropical med cubansk orkesterleiar som vil tonesettje bileta med karibiske rytmar.

Cubanar i Bergen

Ramon E. Haiti Filiu flytta til Bergen i 2009 og etablerte seg med vestlandskone og loftsatelié på Laksevåg.

Kunstnaren er son av den cubanske skulptøren Ramon Haiti som i 30-åra reiste frå det fattige bondelandet i Pinar del Rio til Havanna fast bestemt på å bli kunstnar sjølv om han kom frå fattige kår og var analfabet.

Haiti senior arbeidde seg i Havanna opp til å bli ein av dei mest kjende skulptørerane på Cuba.

Varme og lys

Sonen bestemte seg tidleg at han ville gå i farens kunstnarfotspor, men valde maleri som sitt utrykk.

Ramon E Haiti Filiu ynskjer å bringe meir varme og lys til oss nordbuarar med sine fargerike bilder, fulle av afro-cubanske symboler.

Han har eit særeige utrykk der han med ulike materialer, lagar struktur i oljemaleria sine, gjer dei djupare og nesten tredimensjonale. Ramon jobbar heile tida med ideen om å gjere fortelljingane i bilda sine meir universielle uten at det går på bekostning av hans cubanske uttrykk.

Misforsto spørsmålet

Kunstnarens sine forfedre kjem frå Jamaica og Nederland. Besteforeldra emigrerte frå Haiti til Cuba og då bestemora fødde far til Ramon misforsto ho, grunna språkproblemer, spørsmålet om familienamn og trudde dei lurte på kvar ho kom frå. På den måten kom Haiti inn som familienamn hjå den cubanske kunstnaren.

Utstillinga blir ståande til 11. mars.