Dræggens Buekorps i Os 2019

Dæggegutane imponerte med marsj og drilloppvising

– Vi kjem tilbake til Os. I mellomtida kan du styla kontoret ditt med denne, sa chef Jan Øyvind Myklebust.

image
image
image
image
image
image
image
image
image
image
image
image
image
image
image
image
Av: Kjetil Vasby Bruarøy

Dræggens Buekorps blei stifta av tre gutar på 11-12 år, Christian Joachim Mohn, Klaus Hanssen og August Gran, i 1856, og blir framleis styrt av ungdomar frå 7 til 21 år.

Etter ein helgetur til Stavanger i pinsen stoppa korpset med to bussar på Peppes på Os.

– Dræggens spelte på opninga av Kongeparken i 1986, men har ikkje vore i Stavanger sidan 1937, fortel Keilon Hiis Berg.

I generasjonar

Den tidlegare Dræggeguten var reiseleiar i 1986 og han var reiseleiar i helga. På Peppes møtte vi òg 3xtippoldebarnet til stiftar Christian Joachim Mohn, Henrik Mohn, og chef Jan Øyvind Myklebust.

– Gutane har til ein viss grad oppført seg fint i Stavanger, med unntak av blant anna ein intens vannkrig i går, sa Myklebust før han med høg og bestemt røyst leia 80 gutar gjennom gatene i Os sentrum.

Etter middag var det nemleg lagt inn ein marsj til Osøyro for å sjå gatekunsten «Rævadilter 2», og for å visa litt drill og marsj før heimreise til Bergen.

Vil fri til osingane

Dræggens hadde dessutan med ein bordfane til ordførar Terje Søviknes.

– Det siste året har vi vist oss mykje i Askøy, i tida som kjem vil vi retta oss litt mot Os. Kanskje det er gutar her som, når ny veg opnar og reisetida blir kortare, vil bli med i Dræggen, sa Myklebust.

Over ser du video og bildeserie frå det staselege besøket i Os i går - og talane til ordførar og chef.

Fleire saker