Lokal | 20. sep. 2018

Dagen etter «Helene»

Velta tre over grusbanen, minneparken og Hatvikvegen.

Dagen etter «Helene»
Eit stort tre ligg velta over grusbanen ved Os ungdomsskule. (Foto: Kjetil Osablod Grønvigh)
Kjetil Vasby Bruarøy
Kjetil Vasby Bruarøytorsdag 20. sep. 2018 07:08

Bildeserie:

Velta tre over Hatvikvegen rundt midnatt blei siste melding til brannvesenet i natt. (Foto: KOG)
Velta tre over Hatvikvegen rundt midnatt blei siste melding til brannvesenet i natt. (Foto: KOG)
Fylkesvegen var delvis sperra. (Foto: KOG)
Fylkesvegen var delvis sperra. (Foto: KOG)
Trevelten skjedde ved Steglet. (Foto: KOG)
Trevelten skjedde ved Steglet. (Foto: KOG)
Aleen mellom kyrkja og prestebustaden i dag. (Lesarbilde, tips@midtsiden.no)
Aleen mellom kyrkja og prestebustaden i dag. (Lesarbilde, tips@midtsiden.no)
Rota har brote opp asfalten. (Lesarbilde, tips@midtsiden.no)
Rota har brote opp asfalten. (Lesarbilde, tips@midtsiden.no)
Ser du fotballmålet? (Foto: KOG)
Ser du fotballmålet? (Foto: KOG)
Velta tre i minneparken. (Foto: KOG)
Velta tre i minneparken. (Foto: KOG)
Moberg: Stort vindfang, svak søyle. (Lesarbilde)
Moberg: Stort vindfang, svak søyle. (Lesarbilde)
1 av 8
Velta tre over Hatvikvegen rundt midnatt blei siste melding til brannvesenet i natt. (Foto: KOG)
Fylkesvegen var delvis sperra. (Foto: KOG)
Trevelten skjedde ved Steglet. (Foto: KOG)
Aleen mellom kyrkja og prestebustaden i dag. (Lesarbilde, tips@midtsiden.no)
Rota har brote opp asfalten. (Lesarbilde, tips@midtsiden.no)
Ser du fotballmålet? (Foto: KOG)
Velta tre i minneparken. (Foto: KOG)
Moberg: Stort vindfang, svak søyle. (Lesarbilde)

Onsdag i 19-tida kom restane etter den tropiske stormen «Helene» til Vestlandet.

I Os blei det kansellerte ferjer, knust rute på Bar(t), trøbbel i hamna innanfor Steinnesetmoloen - og mange velta tre, eitt av dei over eit hus.

Einaste straumbrot var i Lysefjorden, men det varte berre i 10 minutt. Ingen vegar, med unntak av inn til private adresser, blei sperra over lengre tid.

• Midtsiden følgde uvêret: Samleside med fleire bilde

Os brannvesen sitt siste oppdrag i samband med stormen var eit velta tre over Hatvikvegen litt før midnatt. Midtsiden fekk tips om at eit velta tre hadde tatt med seg nokre leidningar, og at lyktestolpe og tre låg delvis ut på fylkesvegen.

– Då vi fekk høyra om dette ringte vi 110-sentralen. Vi kunne ikkje røra treet så lenge det var skadde, straumførande linjer i treet, så dette blei Vegtrafikksentralen og BKK sitt bort, fortel Anne Kjersti Storbø frå Os brannvesen.

Resten av natta blei roleg for brannvesenet.

«Tre-null» på grusbanen

Torsdag morgon ligg det eit stort, velta tre frå aleen opp til prestebustaden og over delar av grusbanen til Jadakameratane, ved Os ungdomsskule.

Eit fotballmål er skadd av det velta treet. I minneparken ligg eit anna velta tre.

– Vi har akkurat fått folk på staden, seier teknisk vakt i Os kommune.

Teknisk vakt har ikkje fått andre meldingar i samband med uvêret, med unntak av nokre skadar på tak oppunder dei eldre, integrerte baldakinane på rådhuset.

Vindstyrken skal halda seg over 10 m/s fram til i 20-tida i kveld.

Frå fredag kveld til laurdag morgon skal det òg blåsa friskt, rundt 9 m/s, men då frå vest.

Politiet - tre for tre

Politiet har berre saker relatert til vind i loggen sin frå onsdag kveld, då dei tok imot fleire meldingar om velta tre og skade på bygningar:

Sånn blei kvelden for politiet, frå klokka 20 til 22:

20:04: Melding frå Sundøtangen om velta tre over kraftlinje.

20:15: Rot låg over Hegglandsdalsvegen.

20:45: Tre over hus på Utgjerdet.

21:17: Tre i vegen på Strønevegen ved avkøyrsle til Askvik.

21:45: Tre sperra Tøsdalsvegen.

I tillegg fortel brannvesenet om eit tre over Torkjelsvegen. Éin bustad var innesperra. Teknisk eining fortel at det òg låg eit velta tre over vegen i Langedalen. I tillegg kjem, som nemnt, tre og stolpe over Hatvikvegen litt før midnatt.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.