Dårleg fangst?

Torsdag morgon kunne folk på veg til jobb på Osøyro observere to lyr i botn av Baronselva.

Rett under gangbrua bak Telthuskvartalet har truleg nokon funne ut at fangsten dei hadde fått likevel ikkje var verd å ta med seg heim.

Dei to fiskane, den største omlag ein kilo, var sløya og klargjort for matfatet.

Om syndaren var misnøgd med mengden eller i staden fekk lyst på kjøt til middag er ikkje godt å seie.

- Det er ille at folk berre kastar frå seg god mat på den måten, seier mannen som tipsa Midtsiden om fangsten.