Kultur | 06. jan. 2012

– Dei fleste kjøper i døra

Færre kjøper kinobillettar på førehand. – Folk føler seg trygge på at det er plass, seier Janne Mari Hjelle. Søndag er årets første kinodag i Oseana.

– Dei fleste kjøper i døra
Alvin og Gjengen 3 og Rooney Mara frå The Girls with the Dragon Tattoo. (Copyright: 20th Century Fox/
Kjetil Vasby Bruarøy
Kjetil Vasby Bruarøyfredag 06. jan. 2012 08:56

Bygdekinoen i Oseana starta med eit brak søndag 11. september i fjor. 504, altså full sal pluss nokre ekstrasete, såg første film, Smurfene. 350 såg vaksenfilmen same dag; Hodejegerne.

– Dei første vekene var førehandssalet veldig stort. Men no har folk oppdaga at kapasiteten er god og at det stort sett er plass til alle, så mesteparten av salet skjer om søndagen, seier Janne Mari Hjelle i Oseana.

Smurfene er førebels den einaste der det ikkje har vore plass til alle. 700 såg Knerten, men då var det sett opp ekstraframsyning, så kapasiteten var dobla.

Oseana er Noregs største bygdekino, rundt dobbelt så stor som nummer to.

Utsett sal til årets første

Oseana har hatt stengt i jula og opnar først i morgon, med programslepp for våren.

– Derfor opnar vi også billettsalet til kinoen først i morgon, så det kan godt henda at det går unna ein del billettar laurdag.

Og det er to filmar som bør selja godt som står på plakaten.

– Hugs at vi har nye klokkeslett i år, filmstart klokka 16 og 19, ikkje 15 og 18 som i fjor! seier Janne.

Alvin på ei øde øy

Først ut søndag er den tredje filmen om Alvin og Gjengen. Alvin, Simon, Theodor og Chipettene lever livets glade dagar, dansande og syngande om bord på eit cruiseskip i Karibien, når dei under leik og eksprementering hamnar over bord og på ei øde øy.

Vil nokon finna dei og er øya så øde som den ser ut?

Originaltittel: Alvin and the Chipmunks 3
Sjanger: Animasjon/familiefilm/komedie
Stemmer: Stig Henrik Hoff (Dave), Espen Sandvik (Alvin), Christian Skolmen (Ian), Christoffer Staib (Simon), Erik Skøld (Theodor), Siri Nilsen (Brittany), Malin Pettersen (Elenor)
Nasjonalitet: USA
Lengde: 1 t. 28 min.
Sensur: Tillatt for alle

Første frå Stieg Larsson

The Girl with the Dragon Tattoo er den første av dei tre filmane Columbia Pictures lager av svenske Stieg Larsson sin boksuksess; Millennium-trilogien.

Regissert av David Fincher og med Daniel Craig (også kjent som James Bond) og Rooney Mara (også kjent som Lisbeth Salander) i hovudrollene, er filmen basert på den første romanen i trilogien, som til saman har selt over 50 millionar bøker i 46 land og blitt eit fenomen over heile verda. Filmmanuset er skrive av Steven Zaillian.

Originaltittel: The Girl With the Dragon Tattoo
Sjanger: Drama/thriller
Regi: David Fincher
Skodespelarar: Rooney Mara, Daniel Craig, Stellan Skarsgård, Christopher Plummer, Robin Wright, Embeth Davidtz
Språk: Engelsk
Lengde: 2 t. 38 min.
Sensur: 15 år



Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.