Dei første «Bjørnafjorden-benkane» er på plass
– Vi er spente på tilbakemeldingane.
Denne veka blei to fargerike benkar plasserte ut på gjestebrygga mellom Esso og Peppes i Os hamn.
Benkane er malte i fargane til kommunevåpenet, har bein med kommunen sin logo på og ryggstøtte forma som ein oselvar.
– Eg håper folk ser båten, og ikkje trur at dette er ein vikinghjelm, seier Kristian Nygaard, dagleg leiar i Os Asvo.
To prototypar
Os Asvo har designa og produsert benkane på oppdrag for Bjørnafjorden kommune.
– Det er Hugo Hjelle hos oss som ha stått for designen. Beina er laga av ein smed i Samnanger, fortel Nygaard.
No er Os Asvo spente på kva folk synest om form og farge. Det er kommuneleiinga òg.
– Eg og Trine (ordførar Lindborg) hadde ein tur på gjestebrygga, og var samde i at den, med unnak av dei fine blomane, var litt grå og trist, seier fungerande ordførar Mikal Leigland.
Ønskjer tilbakemeldingar
– Os Asvo fekk oppdraget. Målet er å laga fleire element som kan gå ut i alle bygdene, frå Baldersheim til Lysefjorden, som gjer folk umiddelbart ser kva kommune dei er i.
– No vil vi registerar respons, gjera eventuelle justeringar og produsera fleire. Kanskje kan det òg koma fleire produkt i same design.
Os Asvo jobbar allereie med nye bosspann. Desse får tre kammer, så folk kan sortera avfallet på staden.
