Viljar og Idar frå Os G14 kjølte seg ned på Kadettangen mellom kampane. (Foto: Kjetil Vasby Bruarøy)

Dei gjorde det best i Norway Cup

11 lag frå Os: Jentene overraska i begge retningar - gutane som debuterte tok seg vidare i A-sluttspelet.

image
image
image
image
image
image
image
image
image
image
image
image
image
image
image
image
image
image
image
image
image
image
image
image
image
image
image
Av: Kjetil Vasby Bruarøy

Torsdag kveld blei dei siste laga frå Osbygda slått ut av årets Norway Cup. Rundt 400 osingar, spelarar, trenarar, foreldre og søsken, kunne sjekka ut av same hotell i Sandvika.

– Eg er veldig glad for at klubbane og samarbeidslaga frå Os var samla under same tak. Dette var kjekt og sosialt for både ungdom, vaksne og trenarar, seier dagleg leiar i Os Fotball, Endre Brenne.

Han køyrde direkte frå siger med A-laget over Vard Haugesund og fekk med seg fleire kampar på Ekeberg, i tillegg til laget han sjølv er med og trenar, gutar 14.

Av 11 lag frå Os, Nore Neset og Lysekloster var det 4 som tok seg til A-sluttspel.

Dei som gjorde det best var Os G14 og Nore Neset/Os J15/16. Begge vann første kamp i A-slutspelet, men så var det slutt.

Fjorårsfinalistane snubla ut av B-sluttspelet

Nore Neset/Os J17, som etter administrativ feil hamna i B-sluttspelet, vann første runde 9-0, men tapte overraskande 0-1 i andre runde av sluttspelet dei i utgangspunktet skulle vera for gode til å delta i.

– Du kan møta gode lag i B-sluttspelet òg, som Gimletroll, som kom rett frå Danacup, missa litt i innleiande, men var sterke i ein kamp der våre jenter såg ut til å vera utladde, seier Jan Frode Skeie.

Heldigvis gjorde begge dei to andre jentelagene det betre.

Vann pulja utan å sleppa inn mål

Nore Neset og Os sine 15-åringar blei sått saman til samarbeidslag i år.

– Vi har ein tropp på 24 spelarar, men grunna skadar stilte vi med berre eitt lag i serien i vår. Vi spelte i 1. divisjon, og rykte ned til sommaren, derfor var det ekstra gledeleg å sjå kor godt dei klarte seg i Norway Cup, seier trenar Håkon Straume.

Dei hadde lånt med seg fem spelarar frå 2005-årgangen, og har sjølv tre frå eigen årgang fast på J17-laget. I Oslo stilte dei med to lag, eitt 11-arlag og eitt 7-arlag.

11-arlaget vann pulja si med 8-0 i målforskjell, men rauk ut i første kamp i sluttspelet.

– Kampen var streama og jentene hadde litt høge skuldre. At vi fekk eit mål imot i opningsminuttet var ikkje til hjelp. Vi kjempa oss inn i kampen igjen, men jentene klarte ikkje heilt å få spelet til å sitja.

Dermed blei det 0-4-tap.

7-arlaget tok seg til A-slutspel med ein fin 6-1-siger i siste innleiande runde, og slo Minde 4-1 i A-sluttspelet. I 1/8-finalen blei det tøft mot Åsane, som til slutt vann 6-0.

Debutantar slått ut i jamn kamp mot lag frå USA

Os gutar 14 var førstereisgutar med tok 11-arlag. Os 1 kom på 2. plass i pulja etter to fine sigrar, den siste 5-0. I første runde i A-sluttspelet vann dei 4-0 over Ski.

Klassen hadde 38 puljer, kvar med fire lag. Neste runde var 32-delsfinale mot Belmont frå USA. Os styrte første omgang, men fekk eit mål imot etter pause, og klarte aldri å utlikna.

– Det var litt surt å ryka ut, men gutane har hatt ei god turnering med fleire fine sigrar, seier ein av trenarane, Kristen Hunnes.

– Heile gruppa har hatt ei veldig god oppleving, med å møta nye motstandarar, sjå andre lag og å bu tre og tre kameratar på hotell saman ei lita veke. Å bu så nær både Sandvika Storsenter og badeplassen på Kadettangen, når vêret var så fint, var med på å skapa ei flott ramme på opphaldet.

Os G17 blei òg slått ut av internasjonal motstandar, kampen mot Paris enda 0-2.

Fleire saker