Dei raskaste osingane opp Stoltzen

Fredag og laurdag gjekk årets Stoltzekleiven Opp av stabelen. May Britt Buer (10;31) vann kvinneklassen, Thorbjørn Ludvigsen sette ny banerekord med 7:54.

Raskaste deltakar frå Os var Eirik Spangelo Haga frå Nore Neset il som sprang i mål på 10:07, 56. plass av 3.595 deltakarar i herreklassen og 7. plass i klassen gutar 15 til 17 år.

Andreas Skulstad Størksson frå Opptur Motbakkeklubb kom på 16. plass i same klasse med tida 10:46.

Nygård på 9. plass

Beste plassering av deltakarane frå Os gjekk til Marit Nygård som med 11:12 kom på 9. plass blant 1473 deltakarar i kvinneklassen og 4. plass i kvinner 18 til 34 år.

Beste plassering i sin klasse blant osingane gjekk til Anne Marit Skjeie frå Sprek og Blid, som tidlegare har vunne sin klasse (2013), og i år kom på 3. plass i klassen 50 til 54 år med tida 12:30.

Kjersti Tyse Lyssand kom på 31. plass uansett alder med tida 12:15.

Raske menn i vaksen alder

Geir S. Skaten frå Opptur kom på 5. plass i klassen menn 40 til 44 år med tida 10:10, klubbkamerat Kjetil Styrvoll kom på 7. plass i klassen over med 10:52.

I menn 50 til 54 år kom Lars Erlend Brattabø (Framo Bil) på 8. plass med 11:24 mens Valter Midtseter frå Mjøsdalen il kom på 13. plass med tida 11:34.

Sjå komplett resultatliste på eqtiming.no