Jarl-Hugo Låstad lager helst større maleri. – Men det eignar seg ikkje på ei juleutstilling, der folk skal kjøpa gåver, har eg no lært, ler Låstad. (Foto: Kjetil Vasby Bruarøy)

– Dei sa eg hadde misforstått

Jarl-Hugo tar med seg flokken sin og stiller ut i Os sentrum. Han hugsar framleis si første juleutstilling. 

image
image
image
image
image
image
image
image
Av: Kjetil Vasby Bruarøy

Sidan 15. mars i fjor har kunstnarar halde til i den verna villaen på Askvikneset.

Les òg: – Huset treng folk

Åtte av dei ti kunstnarane som heldt til i Visningssenteret i Hamnevegen i Os sentrum var med på flyttelasset, seinare har éi ekstra kome til.

– Du får svar med éin gong

– Her har vi god plass å jobba på og eit inspirerande og fredeleg uteområde. Sommarhalvåret var det fleire av oss som trekte ut for å jobba, fortel Odd Olav Nøss.

– Og så er det så fint å vera ei gruppe. Vi har det sosialt og vi samarbeider godt, ikkje berre om praktiske ting, men på fagleg nivå. Jarl-Hugo er jo den av oss som både har best utdanning og mest erfaring. Han  er som ein mentor, du kan spørja han om alt og du får svar med éin gong, seier Jan Haaland.

Arkitekt Haaland synest sjølv at han har utvikla seg.

– Spesielt innan maling er Jarl-Hugo Låstad eit oppslagsverk. Før blei maleria mine litt tørre, no er dei feite og fine, seier Jan, og viser fram eit av sine ferskaste verk, eit portrett av musikar Åge Aleksandersen.

– Eg liker å mala portrett, og kunne tenkja med å mala fleire. Eg malar med grov pensel og fekk lyst å mala Åge, som er ganske rustikk i utsjånaden.

Ruvande nykomar

Dei åtte kunstnarane, fire kvinner og fire menn, tar no noko av kunsten sin til Os for å låna Profier sitt tidlegare G-Sport-lokale til å opna juleutstilling torsdag. Seks av dei stilte i helga ut saman i Fjell kommune.

Nokre av kunstnarane er framleis i jobb, andre har pensjonert seg eller jobbar deltid. Jarl-Hugo Låstad, som også bur i nærleiken av atelieret, har vore kunstnar på heiltid sidan midten av 90-talet. Han jobbar dag og natt, spesielt natt, i kunstnarhuset på Askvikneset.

– Eg hugsar mi første juleutstilling, ein gong på 90-talet i Oslo. Eg lager flest større maleri og blei ganske ruvande samanlikna med dei andre kunstnarane i utstillinga.

– Då fekk eg beskjed om at eg hadde misforstått dette med juleutstilling litt, ler Låstad.

Utstillinga i Os, som blir open torsdag til søndag fram til 14. desember, kjem til å vera ei salsutstilling med kunst i lågare prisklasse, frå 1000 kroner og oppover.

Dette er utstillarane: Rita Barstad, Alice Bigom, Gro Fjelltvedt, Margunn Tveitnes, Per Søviknes, Odd Olav Nøss, Jan Haaland og Jarl-Hugo Låstad.

Fleire saker