Dei største skadene
Bildeserie:
Leveggar og takstein flaksa rundt i Os laurdag, men enkelte fekk større og dyrare skadar enn andre i stormen.
I tillegg til skadene og forlisa i Askvik Brygge (sjå bildeserie og video) var det fleire større problem på land.
Hytte hamna på rek
I Nordstrøno blei ei lita hytta kasta på sjøen. Hytta heldt seg flytande og rekte bort til ein holme i nærleiken.
– Eigaren var og redda ut fleire ting frå hytta i løpet av søndagen, fortel eit vitne.
Snudde campingvogn opp-ned
Ved det nedlagte gartneriet på Moberg blei ei campingvogn snudd på hovudet.
– Vogna sto på hengarfestet på ein bil, men blei like vel kasta av og rulla rundt i vinden. Den var nær på å treffa ein dyr hestehengar, men det gjorde den heldigvis ikkje, seier Karl Atle «Kalle» Pedersen.
Han driv motocross-verkstad i området og kjørte rundt 3000 kilometer med vogna i sommar. No håper han på å få skaffa seg ny til sesongen startar og han skal på nye løp.
Carport knuste tre bilar
På Tøsdal blei det også store skadar, ikkje minst då ein carport blei slengt i veggen på eit hus.
Tre bilar blei skadd og ein stolpe gjekk gjennom huset og inn på eit soverom.
Silo velta mellom to hus
Fleire plassar i Os har heile terrassar, takplater og veggplater blitt løfta opp og kasta vekk av vinden.
På Hauge skal ein silo ha velta midt mellom to hus. Klaringa var ikkje stor, men siloen var ikkje borti dei to husa.
Har du tips eller bilde frå større skadar på eigedomar? Send til kjetil@midtsiden.no.