Lokal | 09. juli 2015

Dei største trea i kommunen

Eit program på TV gav Olav lyst til å finna dei største trea i Os. Vil du hjelpa?

Olav og dottera Frida på Moldegård for å måla tre. (Privat foto)
Kjetil Vasby Bruarøy
Kjetil Vasby Bruarøytorsdag 09. juli 2015 07:10

Bildeserie:

Denne stamma er heile 5,3 meter i omkrins, og eit av dei tjukkaste trea i Noreg. (Privat foto)
1 av 1
Denne stamma er heile 5,3 meter i omkrins, og eit av dei tjukkaste trea i Noreg. (Privat foto)

– Eg har eigentleg alltid likt tre og tømmer, men det var eit program på NRK om måling av omkrins på trestammer som gav meg ideen, seier Olav Skorpen.

Musikaren tok med seg den eine dottera, Frida, til parken på Moldegård.

– Her er det fleire store, fine tre - og eitt som blei knekt i orkanen Nina, men der stamma framleis står igjen.

Trestamma er heile 5,3 meter i omkrins.

Veit du om fleire store tre?

No er Olav nysgjerrig på kva andre store tre som er i Os.

- Viss Midtsiden-lesarane vil senda inn bilde, stad (koordinatar), art og omkrins, så hadde det vore spennande å sjå kor mange ulike store tre vi har i bygda.

– Det er sikkert mange turgåarar som kjenner til store tre av ulik art. Ta med måleband neste gong du går på tur!

Omkrinsen måler du i brysthøgde, cirka 1,3 meter over bakken (ikkje nede rundt rota)!

Bilde og detaljar kan du senda til kjetil@midtsiden.no.

Etter sommaren vil vi koma tilbake med ein bildeserie og ei liste over dei største trea i Os.

Størst i Os (og Noreg?)

Ifølgje denne oversikta på NRK.no er den tjukkaste grana i Sør-Noreg målt til 390 cm, mens BT i 2007 fortalte om ei gran med diameter på 1,4 meter, altså ein omrets på 4,4 meter.

Med andre ord er det ein sjanse for at grana Olav og Frida målte på Moldegård er i noregstoppen.

– No blei eg litt usikker på om det var gran, eller ein annan tresort vi målte, eg må nesten opp igjen å sjekka, seier Olav og ler.

Sjå òg: treetsvenner.no og miljolare.no

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.