Lokal | 04. mars 2018

Delar av brønnen blei tømt inn i bustaden

Brønnen ligg høgare enn huset. Då inntaket blei skadd av frost blei kjellaren fylt med vatn.

Delar av brønnen blei tømt inn i bustaden
(ill. foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøysøndag 04. mars 2018 20:41

I helga har Os brannvesen vore ute på to vasslekkasjar i private bustadar - begge grunna frost.

– I går var vi i ein tomannsbustad på Skeie. Uttaket til vaskemaskina hadde frose, noko som igjen førte til skade og lekkasje frå røret, fortel varabrannsjef Arne Monsen.

• Les òg: Vasslekkasje på Lunde barneskule (fredag)

Søndag i 18.30-tida rykte brannvesenet ut til Hegglandsdalen.

– Her hadde det kome rundt 6000 liter vatn inn i huset, det var vatn i heile kjellaren.

Brønn med fall

Bustaden har vatn frå eigen brønn, og brønnen ligg «eit stykke oppe i lia».

– Det ser ut som om inntaket til huset er skadd av frost. Med fall frå brønnen kom det store mengder vatn inn i bustaden.

– Då vi kom til staden rann det vatn ut grunnmuren, fortel Monsen.

Kjellaren er no tømt og avfuktarar står og går. Brannvesenet reiste frå staden i 20-tida.

Spennande? Vil du ha ukas høgdepunkt i innboksen?

Hald deg oppdatert med Midtsiden

Få tilgang til alt innhald frå Midtsiden-redaksjonen. Som abonnent hjelper du oss på veg til å kunna dekka endå meir av det som skjer i Os!

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.