Delikate dagar

Bildeserie:

1 av 8

Torsdag startar dei tradisjonelle marknadsdagane i Os, onsdag var European Market på plass med utstillarar frå blant anna Frankrike, Italia, Spania, Hellas og Nederland.

– Vi var i Noreg i fjor også. I år har vore på Lillehammer og på Nesttun. Etter Os går turen vidare til blant anna Alta, fortel Giada Dänna frå Barcelona.

Dänna sel paella til svoltne osingar, men hadde ikkje så mange å servera denne våte onsdagen.

– Eg har høyrt at det skal bli finare vêr frå torsdag av, vi trur denne helga på Os blir fin!

Hollandske favorittar

Rundt 10 bodar er på plass på Osøyro, fleire skal ifølgje dei andre utstillarane kome i løpet av torsdag og fredag.

Men utvalet spenner allereie frå gresk oliven, italienske pølser og småkaker, engelsk sjokolade og ostar frå Holland.

– Frankrike er nok mest kjent for ost, men mange av dei mest kjente ostane kjem frå Holland, seier Branco van Wissen.

Han har eit stort bord fylt med mange ulike typar.

– Nordmenn sine favorittar, om eg skal rangera dei tre som sel best, er Creamy Gouda, Cuminseed, elles spisscumin, som nordmenn kallar den, og Maasdammer.

– Men nordmenn er heller ikkje redde for å prøva noko nytt, legg han til, og kappar opp noko grøn pesto med basilikumsmak.

Les òg:
- Aldri vore noko så stort på Os