Kultur | 11. apr. 2012

Deltar i Grieghallen til helga

UKM 2012: Til helga er det fylkesmønstring i Grieghallen. Der kan du oppleva ti innslag av til saman tolv osingar.

Deltar i Grieghallen til helga
F.v.: Viljar, Elias, Mari og Åshild, 4 av dei 9 frå Os som skal på scenen i Grieghallen til helga. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyonsdag 11. apr. 2012 10:53

Laurdag 4. februar fekk vi sjå 10 bidrag av unge osingar og 8 av fusingar då den lokale Ungdommens Kulturmønstring for Os og Fusa fann stad i Oseana.

Sjå bilde og video: Elias song seg vidare

I år har det blitt arrangert UKM i alle dei 33 kommunane i Hordaland, over 1200 ungdomar har deltatt.

Seks av bidraga frå Os blei sendt vidare til fylkesmønstringa;
1. Sanne og Simen Moesgård (song)
2. Mari Harju Skeie (song)
3. Aurora Aksnes og Julie Frances Roman (dans, moderne barlesque)
4. Viljar Brunvoll (piano)
5. Elias Grimstad Salbu (song/gitar)
6. Åshild Svendal Os (dans, klassisk ballett)

I tillegg var osingen Sunniva Eriksen Storebø påmeldt i Bergen, der ho gjekk vidare med to dikt.

Frå kunst-kategorien blei desse kunstnarane sendt vidare:
Anne Marthe Moberg Lokøy, Loan Thanh Bui og Sandra Charlotte Tveit.

Alle desse, og andre ungdomar frå Hordaland, kan du sjå i Peer Gyntsalen i Grieghallen i Bergen laurdag 14. og søndag 15. april.

I juryen om laurdagen, då dans står på programmet, er blant andre osingen og danselæraren Patricia Langeland.

PROGRAM

Laurdag er det opning klokka 11, litteratur, dans og teater frå 11.15, klassisk-, pop- og folkemusikk frå klokka 13.30 og rockemønstring frå klokka 18.30.

Søndag er det også opning klokka 11, med klassisk-, pop- og folkemusikk frå start, film frå klokka 14.30 og avslutning klokka 15.30.

• Sunniva er først ut av alle med sine dikt laurdag formiddag. Laurdag skal også dansarane frå Os, Åshild Svendal Os og Aurora Aksnes og Julie Frances Roman, i sving.

• Alle songarane og musikarane frå Os, Sanne og Simen Moesgård, Mari Harju Skeie, Viljar Brunvoll og Elias Grimstad Salbu, skal ifølgje programmet på scenen søndagen.

Sjå òg: ukm.no/hordaland

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.