Lokal | 18. feb. 2021

UP delte ut 7 forelegg på Søfteland

I tillegg blei éin stoppa utan førarkort, ein annan med sommardekk.

UP delte ut 7 forelegg på Søfteland
UP delte ut sju forelegg i 40-sona forbi Søfteland barneskule i 12-tida i går. (Arkivfoto: KVB)
Kjetil Vasby Bruarøy
Kjetil Vasby Bruarøytorsdag 18. feb. 2021 08:18

Utrykningspolitiet hadde trafikkontroll på E39 Byvegen på Søfteland onsdag i 12-tida.

Dei delte ut sju forenkla forelegg, eitt for bruk av handhalden mobil, eitt for manglande bilbelte og fem for fart.

– Høgaste fart var 55 km/t i 40-sona forbi skulen, fortel politioverbetjent Anne Lyssand.

Det resulterte i 5.850 kroner i forelegg og to prikkar på førarkortet.

Utan lappen - utan vinterdekk

Ein patrulje frå Bjørnafjorden lensmannskontor stoppa ein bilist på Byvegen klokka 21.17 i går kveld.

Bilførar, ein mann i 30-åra, har ikkje førarkort, og er meldt. Han erkjente straffeskyld på staden.

20 minutt seinare var det eit uhell i Søvikåsen. Ein bil hamna i grøfta, men ingen blei skadd, og hjelparar i nærleiken fekk bilen på vegen igjen. Politiet har ikkje oppretta sak.

Klokka 22.55 stoppa patruljen ein bil på veg frå Bergen til Halhjem.

– Bilførar hadde vore i Bergen og kjøpt den, og var på veg sørover. Bilen hadde sommardekk på, og vi la ned bruksforbod.

I går kveld fekk vi fleire meldingar med spørsmål om lågtflygande helikoptertrafikk i Os, over Hagavik og rundt Strøno. Hovedredningssentralen seier at dei ikkje hadde søk i området. Det kan tenkast at helikopteret var i lufta i samband med Sjøforsvaret si store øving i området, men det har vi foreløåig ikkje fått stadfesta.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.