Den nye gjestebrygga på Steinneset er no på plass. (Foto: Kjetil Osablod Grønvigh)

Den nye gjestebrygga er klar

18 nye gjeste-båtplassar ved bubilparkeringa på Steinneset.

image
image
image
Av: Kjetil Osablod Grønvigh

I slutten av august starta arbeidet med å legga ut ny gjestebrygge innanfor moloen på Steinneset.

– Det vert ei 36 meter lang betongbrygge. Den får utriggarar på begge sider, med ulik storleik på båsane, fortalde prosjektsjef Halvor Hanevik i Os kommune då.

18 nye plassar

Den nye nye brygga tel no 18 båtplassar - ti på eine sida og åtte på den andre.

Det er ikkje lagt ut vatn og straum til anlegget, men i følgje Hanevik kan dette koma på plass i løpet hausten, men uansett klart til vårsesongen.

• Les òg: Gamlebrygga kan få ny funksjon

Gratis på dagtid

Det førre bryggeanlegget var først for utleigebåtar og båtar for sal, seinare for privat utleige.

Den nye gjestebrygga er naturlegvis open for alle. Den er gratis å bruka på dagtid, men vil du overnatta må du, som på dei andre gjesteplassane i hamna, ut med nokre kroner.

Hamneavgift for Os gjestehamn er kr 150,- per døgn for opphald mellom 00.00 og 08.00. Betaling gjer du med appen GoMarina frå Google Play eller App Store.

I mai i fjor blei det montert fem webkamera i Os gjestehamn, over og under vatn.

• Har du ein roleg dag på jobb? Her kan du følgja med på livet i hamna

Fleire saker