Tribunen i den nye dobbelhallen på Kuventræ. (Foto: Kjetil Vasby Bruarøy)

Den nye hallen - på innsida

Bildeserie: Onsdag var det overtaking, torsdag opna den nye entreen og innsyn i den nye dobbelhallen.

image
image
image
image
image
image
image
image
image
image
image
image
image
image
image
image
image
image
Av: Kjetil Vasby Bruarøy

Consto Bergen er ferdig og huseigar Os kommune har overtatt den nye dobbelhallen på Kuventræ.

– Vi hadde synfaring og overtaking onsdag, fortel prosjefsjef i Os kommune, Halvor Hanevik.

Han er seier han er nøgd med arbeidet Consto Bergen har utført, og med måten Consto og kommunen sin eigen prosjektleiar, Ole-Håkon Sælen, har jobba saman.

Midtsiden var på synfaring torsdag. Sjå bildeserien over.

Fredag var første trening i den nye hallen, ei «uoffisell økt» som Midtsiden kjem tilbake til i eiga sak.

Første dag med organisert trening i den nye dobbelhallen er førstkomande onsdag, dagen før skulestart.

Offisell opning med talar blir det òg, men dato er førebels ikkje bestemt.

• Bildeserie: Den nye hallen frå utsida

Tørrskodd entré frå ny parkeringskjellar

Den nye hovudinnganen kom i bruk frå torsdag i førre veke, frå fredag blei parkeringskjellaren open.

Det er direkte tilkomst frå parkeringsplassen under hallen til kjellaren i Oshallen, ved Actic og garderobane. Ny heis er òg i drift.

Osbadet sin nye resepsjon, kafé og butikk er i ferd med å ta form, men er ikkje heilt ferdig.

Innhald

Bygget er på rundt 54 x 53 meter i grunnflate (2900 kvm), integrert i dagens foajé til Oshallen og Osbadet.
Parkeringskjellaren får 95-100 plassar. Dette er vesentleg meir enn parkeringsplassen som blei ofra for å få plass til bygget. I tillegg kjem 30 nye parkeringsplassar utandørs.

Innhaldet i hallen, over parkeringskjellaren er:

1. etasje
• Nytt inngangsparti med stor foajé
• To fullskala handballhallar til fleirebruk, begge kan delast i tre med skiljevegg
• 6 garderobar (3 herre, 3 dame) med toalett og dusj
• 2 dommargarderobar
• 2 lager (45 og 105 kvm)

2. etasje
• Tribune på 143 kvm
• Teknisk rom 73 kvm
• 4 disponible rom (65, 124, 142 og 222 kvm)

Fleire saker