Den viktige styrketreninga

VIDEO: Sånn kan du styrka heile kroppen, få betre helse, ein sunnare rygg og eit betre humør.

Kjetil Vasby Bruarøy
Kjetil Vasby Bruarøysøndag 03. sep. 2017 21:41

Fysioterapeut og personleg trenar (PT) Torill Bakke er fast Midtsiden-spaltist, og kjem i starten på kvar månad med gode råd innan trening og ernæring. Sjå lenkje til fleire treningstips nedst i artikkelen.

Helsedirektoratet anbefaler at vi trener styrke to gongar i veka regelmessig for helsa sin del. Styrketrening gir deg ein sterkare kropp som tåler meir i kvardagen, overskotet ditt blir større, kroppshaldninga di blir betre og kroppen blir strammare. I tillegg til dette følgjer det ei rekke andre helsefordeler med å trene styrke.

• Ein sterk muskulatur tåler meir i kvardagen og forebygger smerter og skader. Ei god rygghelse er ein sterk rygg i bevegelse. Har du ryggplager blir desse raskare betre dersom du styrker muskulaturen.

• For å halda ryggen sterk og smertefri er det viktig med sterke bein. Langvarig stillesitting svekker muskualturen, og då særleg setemusklane. Svake setemusklar gjer at ryggen blir belasta meir i løft, så hugs å trena styrke på beina!

• Å ha ein sterk kropp i høg alder kan vera forskjellen på om du kan vera sjølvhjulpen heime eller ikkje. Tung styrketrening forebygger også beinskjørheit og betrar balansen.

• Styrketrening forebygger overvekt gjennom å auka muskelmassen vår. Større muskelmasse fører videre til auka energiforbruk, altså auka forbrenning.

Visste du at muskulatur veg meir enn fett? Dette er grunnen til at du kan gå opp litt i vekt når du begynner å trena styrke. Det er ikkje noko du skal uroa deg over, det er berre eit teikn på at kroppen responderer på det du gjer.

Muskulatur veg meir enn fett, men tek samtidig mindre plass. Så sjølv om vekta kan gå litt opp merkar du gjerne at kroppen vert strammare og livvidda går inn. Styrketrening formar kroppen vår, men la aldri dette være hovudfokuset ved treninga di. Tren for å få ein sterk og frisk kropp med mykje overskot i tillegg til den herlige kjensla du får etter ei treningsøkt. Endorfinane som vert utløyste ved trening hevar livskvaliteten og sjølvtilliten.

God belastning er viktig for at vi skal bli sterkare ved styrketrening. For å unngå skader er det viktig å starta på ditt utgangspunkt og å jobba deg gradvis opp der i frå.

Regelmessig innsats over tid gir alltid resultat!

Lykke til med styrketreninga!

Torill Bakke
Fysioterapeut, kosthaldsvegleiar og personleg trenar

Les òg:
Trening er ferskvare
9 øvingar du kan gjera kvar som helst
Ekstra treningseffekt med rett mat
God form til sommaren?
Enkle steg til ein haust med overskot

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.