Denne gjengen skal på scenen under solidaritetskonserten
Lokale stemmer held gratiskonsert i Os kyrkje torsdag.
Os Kulturutvikling, saman med Os kyrkjelyd og Galleri Solbakkestova, arrangerer solidaritetskonsert i år òg.
Konserten, som har fri entré, blir halden i Os kyrkje førstkomande torsdag.
Fleire av artsitane er gjengangarar, men musikklærar Janie Froestad Laupsa er debutant når ho i år følgjer kusina (Aurora Aksnes) sine fotspor til song for ei god sak.
Sjå video frå tidlegare solidaritetskonsertar i relaterte saker under.
Her er årets artistar:
- Anna Neset
- Eirik Søfteland
- Janie Laupsa
- Os Mannskor (dirigent Kristine Bjånes)
- Jan Haaland
- Jon Hægland
- Tetiana Romanyuk
- Victoria Bakka
Teknikk og lyd er ved Arthur Håkon Botnevik og Nils Midtseter. Karl Ole Midtbø er konferansier, Steinar Birkeland held appell.
Det er gratis å vera publikum, men sjanse til å gi.
2022 var eit spesielt år. Det blei halde to solidaritetskonsertar året Ukraina blei invadert, med samla inntekt på rundt 500.000 kroner.
Andre år har det blitt samla inn rundt 100.000 kroner før, under og etter konserten.
I år som i fjor går inntektene, utan øyremerking, til Flyktninghjelpen. NRC Flyktninghjelpen er ein norsk organisasjon som hjelper menneske på flukt over heile verda.
Dei er, ifølgje eigne heimesider, på plass i 40 land.
Den samla inntekta til Flyktninghjelpen i 2024 var 9,29 milliardar kroner. USAs byrå for humanitær hjelp (BHA) donerte 17,2 prosent av dei totale midlane i 2024, Utanriksdepartementet (UD) donerte 14,2 prosent.
