Denne hjorten har hatt ei tøff natt

VIDEO: Ein hjort på pæreslang vikla eit tau fast i geviret. Så kom mannen til varaordføraren i Os – med kniv.

Kjetil Vasby Bruarøy
Kjetil Vasby Bruarøyonsdag 28. okt. 2015 11:30

Bildeserie:

John Ludvig Høgh er glad hjorten klarte seg, og berga éi pære. (Foto: Kjetil Vasby Bruarøy)
(Foto: Kjetil Vasby Bruarøy)
(Foto: Kjetil Vasby Bruarøy)
(Foto: Kjetil Vasby Bruarøy)
Tauet hang i pæretreet, for å retta det opp. (Foto: Kjetil Vasby Bruarøy)
John Ludvig Høgh er glad hjorten klarte seg, og berga éi pære. (Foto: Kjetil Vasby Bruarøy)
(Foto: Kjetil Vasby Bruarøy)
1 av 5
(Foto: Kjetil Vasby Bruarøy)
(Foto: Kjetil Vasby Bruarøy)
(Foto: Kjetil Vasby Bruarøy)
Tauet hang i pæretreet, for å retta det opp. (Foto: Kjetil Vasby Bruarøy)
John Ludvig Høgh er glad hjorten klarte seg, og berga éi pære. (Foto: Kjetil Vasby Bruarøy)

– Vi er vant med å høyra hjort her ute, det er fleire tråkk mellom skogen og nokre epletre nede ved sjøen, seier Jarle Engelsen.

Han bur i Sperrevikvegen og skulle følgja sonen til skulebussen såg han eit tre som sto og svaia.

Les òg: Sjå hjorten speler fotball! (med video)

– Han er 6 år gamal og ville ikkje på skulen då han såg hjorten sto fast, fortel Jarle og ler.

Hang fast i tau

Hjorten, som truleg er ein rundt tre år gamal bukk med knappe ti taggar, hadde vikla seg fast i eit tau i ei bjørk hos naboen.

– Tauet sto i eit pæretre som var skeivt, for å retta det opp igjen, fortel naboen John Ludvig Høgh.

John er ein erfaren hjortejeger, men hadde ikkje oppdaga hjorten før Midtsiden og naboen kom opp i hagen.

Vurderte avliving

Viltkontakt Espen Andersen blei varsla i 8-tida, men var sjølv i Tysse og sendte kollegaer ut til Sperrevikvegen.

– Om de får kontakt med den som har løyve i området, og dei har bukk igjen på kvoten, så er det berre å fella han, var beskjeden frå Andersen.

Høgh fekk kontakt med løyvehavar Jørgen Frønsdal, som vurderte å ta han på kvoten, men som endte med å be dei på staden om å kutta hjorten laus.

Rask prosess

Det tok litt tid før viltkontaktane var på plass, og Høgh hadde akkurat gjort klar ein kniv på eit skaft for å kutta tauet då Per Henrik Lunde Bruarøy dukka opp.

Eitt minutt seinare var hjorten laus.

Hjorten flykta rundt treet og Per Henrik, som er gift med varaordførar Marie Lunde Bruarøy, fekk gode arbeidsforhold. Hjorten sprang raskt avgarde med det same tauet blei kutta.

– Sjeldan at dei heng fast

Andersen seier det hender at dei får melding om funn av døde dyr med tau eller liknande i geviret.

– I fjor avliva vi ein hjort som hadde eit heilt volleyballnett over gevir og hovud. I tillegg hang det ein staur fast i geviret, og hjorten var avmagra og svak.

– Men dette er første gong eg kjenner til at det har stått ein hjort fast på denne måten. Det kan likevel vera verdt å sjå over hagen sin om du bur i eit område med mykje hjort, det er synd om dei tar tau med seg og blir ståande fast ute i skogen.

– Håper han klarer seg

– Det hender at dyr blir så stressa av å stå fast at dei ikkje klarer seg etterpå, men viss denne såg frisk ut så går det nok bra.

– Det såg ut som om han har blødd litt ut baken, er det eit farleg symptom?

–Det veit eg ikkje. Det spørs kanskje om det er eit kutt i samband med kampen for å koma seg laus.

John Høgh måtte sjå pæretreet sitt som tapt, men berga éi pære som han kan eta til frukost.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.