Lokal | 03. apr. 2020

Denne leksa fekk læraren til å ta til tårene

– Det var så godt å sjå dei igjen. Eg er stolt, seier danselærar Patricia Langeland.

Denne leksa fekk læraren til å ta til tårene
Patricia fekk inn over 60 videoar av danseelevane.
Kjetil Vasby Bruarøy
Kjetil Vasby Bruarøyfredag 03. apr. 2020 09:52

Torsdag 12. mars blei det annonsert stengde skular over heile landet. Samtidig blei det slutt for organisert fellesaktivitet og trening.

– Det skjedde brått, og det blei etterkvart klart at det kom til å vara. I videomøte mellom lærarar og leiing i Bjørnafjorden kulturskule blei vi oppmoda å prøva å halda kontakten, å vera kreative og å prøva å nå ut til elevane, fortel danselærar Patricia Langeland.

Ho og kollegaen Julia Erstad Bergesen har 180 elevar.

– Vi sendte ut ei lekse om å senda video av seg sjølv dansa etter ein melodi. Elevane har brukt nokre trinn dei har øvd på før, men sto fritt til å legga inn eigne, og til å laga koreografi.

Danselærarane fekk inn over 60 videoar.

– Eg er heldig som har ein mann som er flink med foto og film. No har han sett sammen leksene i éin snutt, og eg har sett den mange gongar.

Patricia har fått lov av elevane å dela dansegleda med Midtsiden sine lesarar:

– Eg gret då eg såg gjennom dei første gong. Eg blei så rørt og stolt, og så saknar eg dei så mykje. Å undervisa i dans er ikkje jobb for meg, det er noko eg berre er glad for å gjera.

– Å ikkje kunna møta, prata og klemma desse greie elevane våre, er eit stort sakn - derfor var det så kjekt å få desse videoane!

– Og så synest eg at dei både er veldig flinke, og at dei ikkje tar seg sjølv så høgtideleg. Nokre har vore ute i naturen, andre har stått på sitt eige soverom. Det er fint å sjå at dansen held fram, også mens vi er i kvar vår heim.

– Korleis blir undervisinga vidare?

– Eg og Julia har fått lov å bruka dansesalen no, så vil vil spela inn fleire videoar og senda ut til elevane.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.