Lokal | 08. feb. 2019
Denne semitraileren fekk mangellapp
... ni andre fekk bruksforbod på Halhjem i går.
Kjetil Vasby Bruarøyfredag 08. feb. 2019 08:56
Torsdag ettermiddag og kveld gjennomførte Statens vegvesen kontroll av tunge køyretøy på Halhjem ferjekai.
Resultatet blei 9 bruksforbod, 6 mangelsedlar, éi skriftleg åtvaring og eitt gebyr.
– Bruksforboda gjekk på manglande baklys, slitte dekk, gjenstander i synsfeltet i frontruta og dårleg lastsikring, fortel Inge Knappskog frå Statens vegvesen.
Mangelsedlane blei skrivne ut på tekniske forhold som lys, lause boltar i svingkrans, og rust og sprekker i innfesting av frontvegg på ein semitrailer (bildet).
– I tillegg blei det éi skriftleg åtvaring grunna brot på køyre- og kviletid og eitt gebyr for ikkje medbragt vognkort.