Fotball | 30. sep. 2012

Derby enda 12-0

Både Søfteland og Søre Neset tapte i helga. Lysekloster 2 spelte ein heil omgang mot 9 norenesingar.

Frå gårsdagens derby på Edne i Lysefjorden. (Foto: Lysekloster IL)
Kjetil Vasby Bruarøy
Kjetil Vasby Bruarøysøndag 30. sep. 2012 19:51

Lysekloster 2 følgte opp opprykksfesten til A-laget fredag (som blir vist på TV2 kl 23.45 i kveld) med suveren siger i lokaloppgjer mellom Lysekloster 2 og Nore Neset laurdag.

– Vi leia 5-0 då ein Nore Neset-spelar fekk sitt andre gule kort rett før pause. I starten av 2. omgang var ein annan norenesing uheldig og kom seint inn i ei takling og fekk direkte raudt kort.

– Vi spelte godt, men det var kanskje svakt av oss å berre skåra 7 mål mot 9 mann i 2. omgang, seier trenar Ørjan Sandal etter storsigeren.

Målskårarar: Daniel Gall 3, Magnus Sandvåg 2, Andreas Fosse 2, Jan Even Frøyset 2, Thomas Greipsland, Steffen Vindal og Mattias Høiland.

Dobbelt opprykk?

I neste runde, som er nest siste, speler Lysekloster 2 heime mot Viggo. Dei to kjempar om 2. plassen og kvalifisering til opprykk til 5. divisjon. Med siger i denne også slår Lysekloster 2 truleg følgje med førstelaget opp ein divisjon.

I siste kamp speler Lysekloster 2 nemleg mot botnlaget Ny-Krohnborg 2.

SJÅ OPPSETT OG TABELL (6. div. avd. 1)

Tapte for topplag

I naboavdelinga gjekk Søfteland på eit 1-0-tap borte for serieleiar Fotlandsvåg.

Søfteland ligg på 3. plass 5 poeng bak Smørås 2, som møter Fotlandsvåg i neste og nest siste runde.

SJÅ OPPSETT OG TABELL

Kjempar om å halda seg

Søre Neset ligg framleis nedst på tabellen, men ser ut til å ha klart seg bra mot topplaget Bremnes.

Bremnes vann, men berre 3-1.

Dei to laga over Søre Neset på tabellen ligg berre 3 poeng framfor.

Os 2 i same avdeling kjempar om opprykk og speler heime i morgon mot Olsvik (kl 19).

Os 2 og Søre Neset møter kvarandre i siste runde, ein runde som kan bli avgjerande for begge lag. Kampen går på Søre Neset søndag 21.10 (kl 16).

SJÅ OPPSETT OG TABELL (5. div. avd. 3)

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.