– Desse hadde far likt

Før det store rekebordet blei opna på brygga framfor Os Sjøfront sto Os kommune og Os Kulturutvikling for avduking av skulptur og hugsemerke for Bernt Kristiansen.

– Bernt var ein viktig og sentral kulturpersonelegheit i Osbygda, helsa Arne Mæland før ordførar Terje Søviknes sto for avdukinga.

Flotte ungdommar

Merke er prega med ein av songane til Bernt «Du er åleine, menneskje, om lukka di». Songen blei òg framført av dei unge talenta Salma Fosså Bunæs, Torbjørn Sandmo og Jone Finne Kuven.

– Desse hadde far likt.

– Dei er flotte og dyktige ungdommar, med haldningar og talent eg er sikker far hadde satt pris på.

– Ekstra kjekt er det jo at det er Selma som sang, sidan bestefar hennar var ein av dei far samarbeida mykje med og som faktisk har sunge dei fleste av far sine songar, seier Eli Kristiansen, dottera til Bernt.

«Du er åleine, menneskje, om lukka di» er skriven av Bernt Kristiansen og tonesett av Eli og Stein Inge Brækhus.