Kultur | 12. aug. 2019

– Desse har gjort alt etter boka

Bjørnafjorden Opplevelser og Solstrand Hotell & Bad har funne opplevingstonen saman.

– Desse har gjort alt etter boka
Hugo Hansen (t.v), Britt E. Fjæreide, Anna Fjæreide Helland og Christian Evje Olsen i Bjørnafjorden Opplevelser kan no sjå tilbake på åtte suksessfulle oppdrag for Solstrand. (Foto: Kjetil Osablod Grønvigh)
Kjetil Osablod Grønvigh
Kjetil Osablod Grønvighmandag 12. aug. 2019 20:24

Bildeserie:

Paolo Pompilio frå Back-Roads Touring Co måler krefter med djupets konge. (Foto: KOG)
Paolo Pompilio frå Back-Roads Touring Co måler krefter med djupets konge. (Foto: KOG)
Det samme ville tur-guide Sophia Gottlieb. (Foto: KOG)
Det samme ville tur-guide Sophia Gottlieb. (Foto: KOG)
Solstrand fekk verkeleg vist fram varene på fredag. (Foto: KOG)
Solstrand fekk verkeleg vist fram varene på fredag. (Foto: KOG)
Bjørnefjorden Opplevelser hadde med seg sjømat. (Foto: KOG)
Bjørnefjorden Opplevelser hadde med seg sjømat. (Foto: KOG)
Men kunne på få kast òg henta meir direkte frå leverandøren. (Foto: KOG)
Men kunne på få kast òg henta meir direkte frå leverandøren. (Foto: KOG)
Hugo Hansen og Bjørnafjorden Opplevelser får dei beste skussmåla frå Solstrand. (Foto: KOG)
Hugo Hansen og Bjørnafjorden Opplevelser får dei beste skussmåla frå Solstrand. (Foto: KOG)
1 av 6
Paolo Pompilio frå Back-Roads Touring Co måler krefter med djupets konge. (Foto: KOG)
Det samme ville tur-guide Sophia Gottlieb. (Foto: KOG)
Solstrand fekk verkeleg vist fram varene på fredag. (Foto: KOG)
Bjørnefjorden Opplevelser hadde med seg sjømat. (Foto: KOG)
Men kunne på få kast òg henta meir direkte frå leverandøren. (Foto: KOG)
Hugo Hansen og Bjørnafjorden Opplevelser får dei beste skussmåla frå Solstrand. (Foto: KOG)

I desember 2018 fekk det nystarta Bjørnafjorden Opplevelser 50.000 kroner av Fjordfond.

Pengane skulle gå til til kjøp av utstyr for satsing på padlekurs og organiserte kajakk- og dykketurar i skjergarden rundt Bjørnafjorden.

Hugo Hansen frå Bjørnafjorden Opplevelser kunne fortelja at det nystarta selskapet ville retta seg mot både utanlandske og kortreiste turistar.

– Vi ønskjer å bruka fjorden for det den er verdt, frå fiske og dykking til kurs, utleige og fellesturar i kajakk.

Verdibasert oppleving

På fredag var Bjørnafjorden Opplevelser i full sving på kaien på Solstrand. Kundane var ei gruppe amerikanske gjestar ved hotellet.

På veg ned på kaien treff vi ei strålande og entusiastisk Børrea Schau-Larsen.

– Sjå på dette; dette har vi ønska oss i 30 år. Her har vi ei gruppe gjestar som får ei verdibasert oppleving. Og det i dei rammene som Os og Bjørnafjorden byr på i dag.

Opplevinga Schau-Larsen siktar til er ein føremiddag med fisking på kaien på Solstrand, det heile innhylla i strålande sol og med Bjørnafjorden som kulissar.

– Dei har rigga seg heilt etter boka

På kaien har Bjørnafjorden Opplevelser rigga til fiskestenger. På eit stort bord ligg det redningsvestar, førstehjelps-bag og hjartestartar. Ein plakat med oversikt over kva du kan finna og fanga i fjorden ligg og strategisk plassert saman med skjel og muslingar og andre lokale smalsprøvar frå havet. Ein røsleg steinbit som gjestane kan få sjå nærare på ligg òg på bordet.

– Eg er så glad for at Fjordfond såg denne aktøren, seier Scau-Larsen. Det har no gjeve ringverknadar.

Schau-Larsen fortel at Bjørnafjorden Opplevelser har «rigga seg» seg heilt etter boka.

– Dei har sertifiseringane på plass, dei har sikkerheit i høgsetet, og når gjestane våre fiskar ved kaien ligg båten deira i beredskap ved kaien. Dei har i tillegg med seg mykje kompetanse om det dei driv med, og kanskje viktigast av alt; dei er gode på folk.

Åtte arrangement - suksess frå dag éin

Schau-Larsen sparar ikkje på superlativa når ho fortel om verdien av å kunna tilby slike opplevingar til gjestane på Solstrand.

– Os Kommune snakker varmt om potensialet for mer reiseliv satsing i Bjørnefjorden, men utfordringa i småskala reiseliv er å få til lønnsemd.

– Bjørnafjorden Opplevelser har denne sommaren hatt åtte arrangement for oss, og det har vore suksess frå dag éin. Etter denne erfaringa vil vi no presentera dei for flere internasjonale aktører.

Oppslagstavlo på Os leverer

Karoline Fosse Holmefjord ved Solstrand Hotell & Bad er den som har jobba tettast med Bjørnafjorden Opplevelser.

Korleis ho fann Bjørnafjorden opplevelser kjem med eit lite snev av humor.

– Eg vart tipsa om dei via Oppslagstavlo i Os på Facebook etter at eg la ut ein post kor eg etterlyste nokon som kunne arrangera fiske-aktivitetar for gjestane våre.

Holmefjord seier at det er ein viss skilnad mellom turistane i verda.

– Det er nok meir ein europeisk ting å reisa åleine. Amerikanske turistar, slik dei vi har her idag, ønskjer gjerne ei ferdig planlagd kvalitetsoppleving.

Holmefjord fortel at gjestane som på fredag fekk oppleva fiske i Bjørnafjorden, allereie har vore å sykla på Tysnes og padla kajakk i Rosendal.

– Dei ville avslutta opplevings-ferien i Noreg med å få prøva å fiska. Då er det kjekt at vi saman med Bjørnafjorden Opplevelser kan setja saman ei så profesjonell ramme som dette.

Internasjonal aktør til 60 land

Dei amerikanske turistane som vitja Solstrand på fredag var alle på tur med Back-Roads Touring Co.

Den California-baserte turoperatøren har meir enn 30 års erfaring med å setja saman turar for mindre grupper, og tilbyr reiser til nærare 60 land verda over.

– Og var dei nøgd med opphaldet på Solstrand?

Lite slår vel å fiska din eigen makrell frå Bjørnafjorden, for så å få kokkane på Solstrand til å tilbereda den til lunch? Ein lunch du skal eta i hagen på Solstrand ...

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.