– Det beste forsvaret i mi tid
Bildeserie:
Os står framleis utan tap etter tre rundar.
I dag gjorde dei som i førre kamp, slo eit lag dei tapte grundig for i fjor.
• Les òg: Skåra 19 mål på eitt døgn
Os gjekk frå 4-2 til 10-4.
I andre omgang drog dei ifrå og auka frå 11-7 (pauseresultat) til 20-10.
– Vi kan takka det sterke forsvaret vårt for at vi finn denne roen i angrep. i dag slepp vi inn berre 4 mål på 15-20 minutt, eg kan ikkje hugsa at vi har hatt eit så godt forsvar mens eg har spelt i Os, seier ein av dagens toppskårarar, Isak Røen.
Isak og spelande trenar Alexander Heggø sette inn 8 mål kvar.
Os mista forspranget frå å leia 25-15 til å vinna 29-26 over Gloppen, som dei førre sesong tapte med 12 og 15 mål for.
– Eg og Joakim (Blostrupmoen) fekk frimerke på oss, og det blei litt krampeaktiv i periodar. Då var det kjekt å sjå at unge Sondre Midtbø steppa opp og skåra sitt første spelemål i 3. divisjon.
Målskårarar: Isak Røen 8, Alexander Heggø 8, Joakim Blostrupmoen 6, Trygve Lerch Dahl 3, Nils Andris Hamre, Sondre Midtbø og Jørgen Wold.
Lite trening, godt humør
Røen seier han synest det er ekstra kjekt å spela handball denne hausten.
– Vi har hatt tilnærma null oppkøyring, og trener berre éin gong i veka. Men vi kjenner kvarandre godt og er i nokolunde form etter å ha trent kvar for oss.
– Og så har det hjelpt veldig å få Jørgen og Joakim tilbake, og ikkje minst at Alexander har tatt med pappa Øyvind, som er eit lim i forsvaret!
Os speler neste kamp heime mot Gneist måndag 22. oktober.