Sport | 13. okt. 2014

– Det blei ein fantastisk busstur heim

Laurdag sikra Åsane med osingen Vegard Leikvoll Moberg opprykk til 1. divisjon, to rundar før serieslutt.

– Det blei ein fantastisk busstur heim
Vegard Leikvoll Moberg med lagkameratar og ei av champagneflaskene gutane kunne spretta på veg heim frå Haugesund laurdag. (Privat foto)
Kjetil Vasby Bruarøy
Kjetil Vasby Bruarøymandag 13. okt. 2014 13:46

Etter siger i to toppkampar på rad er opprykket i boks, Vegard Leikvoll Moberg og resten av Åsane har spelt klubben opp til nest høgaste nivå og skal neste år kjempa mot lag som Bryne, Fredrikstad, Mjøndalen og Nest-Sotra (med osingen Bjarte Haugsdal).

Laget mangla berre eitt poeng på å vera sikra opprykk etter maktdemonstrasjonen heime med 6-2-siger over tabelltoar Egersund.

Laurdag slo dei Vard Haugesund 0-1 på bortebane.

– Sjølv om Egersund skåra det første målet i kampen merka vi med éin gong at den kampen var vår. At vi skulle ta full pott borte mot tabelltrear Vard var ein bonus og skapte jubelscenar og ein busstur heim eg aldri vil gløyma, fortel den tidlegare Os-spelaren.

Vegard spelte frå start og 84 minutt mot Egersund. Mot Vard Haugesund spelte han heile kampen.

– Vi kom for seint til ferja frå Sandvikvåg, så det blei eit ekstra langt vorspiel. På veg heim bestilte vi bord på restaurant og fekk oss ein flott fest.

Speler mot Brann i dag

Etter ei tøff og festleg helg er det i dag litt alvor igjen, og ein forsmak på litt høgare nivå.

I kveld speler nemleg Åsane treningskamp mot Brann, som ei oppkjøring for Brann før nok ein sjebneskamp, fredag heime mot Sarpsborg 08.

– Vi kjem nok til å spara litt på ein del av dei som spelte mest laurdag, men skal likevel prøva å gje Brann best mogleg matching. Ingenting er betre enn om vi kan hjelpa Brann til å halda seg i Tippeligaen.

I serien står det to kampar igjen for Åsane, heime mot Fana laurdag (kl 13) og borte mot Grorud laurdagen etter.

– Sjølv om opprykket er sikra er det ingen problem å motivera seg til å gå for siger over Fana. Vi ønskjer naturlegvis også å avslutta sesongen med stil i kampen mot Grorud, lover Leikvoll Moberg.

SJÅ TABELL

PS! Osingen Mats Cato Moldskred, som også speler i Oddsenligaen, har ikkje same håp om opprykk. Det nye laget hans, Kongsvinger, har rett nok vunne dei to siste kampane (der Moldskred spelte éin av dei frå 71. minutt), men dei ligg berre på 4. plass 6 poeng frå toppen når to kampar står igjen.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.