Sport - 22. apr. 2013
– Det blir ikkje siste gong
Kjetil Vasby Bruarøymandag 22. apr. 2013 06:59
– Eg har gått løypa før, men aldri når det har vore marsj, seier Camilla Kippersund Eide (28) frå Søfteland.
Laurdag gjekk ho Ulvenmarsjen for første gong, og då ho kom i mål fekk ho veta at ho var deltakar nummer 25.000 på dei 35 åra marsjen har blitt arrangert.
Les òg: God start for Ulvenmarsjen
Camilla, som hadde dottera Oline (10 månadar) med i barnevogn då ho gjekk marsjen saman med venar, vann ein oselvar i miniatyr for det fancye deltakarnummeret.
Oselvaren er laga av Eldbjørg Hatleli.
– Det blei ein fin marsj og det var nok ikkje siste gong.
– Også for ti år sidan, då vi hadde deltakar nummer 20.000, var det ein debutant som fekk det runde startnummeret, fortel arrangør Erling Andersen frå Søfteland TIL.