– Det såg ikkje bra ut

Torsdag inviterte Os Brann- og redningsvesen avgangselevane ved dei vidaregåande skulane i Os til trafikksikringsdag på brannstasjonen på Moberg.

– Målet er å gje dei ei forståing for kva krefter som er i sving, fortalde varabrannsjef Arne Monsen.

Demonstrasjonen tok for seg ein bildropp frå omlag 30 meter, noko som tilsvarar ein kollisjon i 70 km/t med påfølgjande demonstrasjon av frigjering av fastklemt person.

Elevane fekk også moglegheiten til å testa veltepetteren der ein opplever korleis det er å gå rundt på taket i omlag 35 km/t.

– Det er ikkje bra, konkluderte Marius med etter demonstrasjonane.

Med for å informera var også politiet og ambulansetenesta.