– Det ser ut som om alle svaneungane er vekke

Midtsiden fekk måndag formiddag spørsmål om kvar svaneungane har blitt av. Svanehjelpen fekk same spørsmål frå ein tilsett ved Tanngarden, som har utsikt mot reir og beiteområde for paret som hekkar i Oselvo.

– Eg såg dei på laurdag, med alle fem ungane. No brukte vi tid på å finna dei, og fann paret åleine, seier Åse Tveit og Evy Søfteland.

Les ògKull nummer 11 i Oselvo

Årets kull var på seks ungar, men dei var raskt nede i fem. No ser alle fem ut til å vera vekke.

– Om nokon har sett dei etter laurdag, er vi interesserte i å veta kvar, seier Åse, og ber eventuelle observatørar ringa 92051144.