– Det viktigaste er at kundane er trygge

Esso Os sin populære terrasse langs gjestebrygga blei i helga stengt.

– Eg trur ikkje nokon har skadd seg, men vi oppdaga at den var veldig glatt, så då valte vi å stenga den av, seier butikksjef May Linn Skaar.

Sjølv om softis-sesongen er på hell, er terrassen godt besøkt når vêret er tørt, som i dag.

– Derfor flytta vi borda. Folk kan framleis setja seg ned med kaffi og kakao utanfor stasjonen, seier Skaar.

Mens gjestebrygga er kommunen sitt ansvar, er det Esso sin terrasse.

– Så no er det bestilt spyling og anti-skli?

– Nei. Om noko skal spyla så blir det meg sjølv. Men førebels fungerer det greit med å ha borda på ein annan plass. Døra inn frå brygga er framleis open.