Leiar i Os Taxi, Tor Anders Hauge, nytta høve til å seia si meining til Sp-leiar Trygve Slagsvold Vedum. (Foto: Kjetil Osablod Grønvigh) 

– Dette kunne eg ha snakka om i dagesvis

Sp-leiar Trygve Slagsvold Vedum fekk klar tale i taxi-buo. 

image
image
image
Av: Kjetil Osablod Grønvigh

– Vi visste at partileiaren skulle ein til Øystese i dag, og då var det kjekt at han rakk ein tur innom til oss her i Os.

Dette fortel lokallagsleiar i Os Senterparti, Siren Tømmerbakke. 

Etter ein kjapp visitt, og eit par smaksprøvar av lokal mat hos Osøyro Kolonial, bar det vidare til taxibuo til Os Taxi

Engasjert taxi-leiar frå Os

Bakgrunnen for besøket hos Os Taxi var statsbudsjettet kor nye avgiftsendringar i følgje næringa sjølv vil gjera det umogeleg å driva med transport av barn og rullestolar. For bilar som vert nytta til rullestol-transport kan det nye statsbudsjettet innebera aukte kostnadar på fleire hundretusen ved bilbyte. 

Slagsvold Vedum har engasjert seg i saka, og han har allreie diskutert saka med Norges Taxiforbund. 

Tor Anders Hauge er i tillegg til å vera leiar i Os Taxi, leiar i Norges Taxiforbund, avd. Hordaland. Det var med andre ord ein godt førebudd taxi-leiar som tok i mot Slagsvold Vedum på trappa utanfor taxi-buo. 

Dette går på bekostning av det fri liv

Ein særs engasjert Hauge nytta høve til å melda frå første sekund.

– Kva kan vi gjera med dette? Eg er så oppteken av dette, og eg kunne snakka om det i dagesvis. 

Hauge fortalde vidare om Os Taxi og korleis dei nye avgiftsendringane ville slå ut lokalt; 

– Slik eg ser det er det ikkje næring att å driva for dei som leverer desse tenestene. Då sit vi att med ei kundegruppe som heller må gå til NAV og be om hjelp til å kjøpa sin eigen bil. Til sjuande og sist er det brukarane som sit att som taparane, utan moglegheit til å koma seg ut av heimen. Dette kan eg ikkje vera med på, tordna Hauge. 

Tek det med til Stortinget

Sp-leiaren lot seg tydeleg engasjera av Hauge sitt glødande engasjement. 

– Dette vil eg ta opp i Stortinget så snart det let seg gjera. Ei offentleg finansiering av dette kjem ikkje til å stå seg, og eg er personleg veldig engasjert i denne saka, kunne Slagsvold Vedum fortelja før han hasta vidare til Øystese. 

Fleire saker