Dømt for trygdesvindel

Over to periodar, den første frå desember 2011 til februar 2012, den andre frå juni til november 2012, leverte ei kvinne frå Os meldekort til NAV som førte til urettmessig utbetaling av til saman 131.613 kroner.

Sikta, som er i 50-åra, møtte i Nordhordland tingrett 20. juni og samtykka i at saka blei avgjort ved tilståelsesdom.

Påtalemakta kom med forslag om 30 dagar fengsel utan vilkår.

At sikta kunne risikera å mista jobben ville ikkje retten legga vekt på, men kvinna slepp likevel fengsel.

Sikta blei dømt til 30 timar samfunnsteneste, med gjennomføringstid på 90 dagar, subsidiært fengsel i 30 dagar.

Domfelte samtykka i samfunnsstraff og vedtok dommen.