Dømt for vald mot gravid sambuar

I oktober i fjor blei han sett i varetekt etter at han hadde halde kjærasten fast med eit hardt grep om hendene og slengt ho i veggen på baderommet så ho slo hovudet sitt.

Sikta møtte i rette, erkjente forholdet og samtykka i avgjerd ved tilståelsesdom.

Rettspraksis gav vegleiing i straffeutmåling. Fornærma hadde blitt halden så hardt at ho fekk klemmemerke og blåmerke på armane. Høgsterett har tidlegare kome til at rett straff er 45 dagar.

Ikkje provokasjon nok

Domfelte meinte det i straffeutmålinga måtte takast omsyn til at valden kom etter provokasjon frå fornærma. Retten kunne ikkje sjå at verken det at ho ville hindra han å gå ut med kollegaer, eller at ho nekta å visa bilde frå ultralyd, var provosjon i form av særleg «krenkande ytring».

Episoden skjedde i prøvetida for ei bot på 15.000 kroner etter dom frå april same år, 2015, noko som blei sett på som skjerpande.

Sikta blei dømt til 30 dagar fengsel. Straffa blir sett på som ferdig sona ettersom mannen sat i varetekt i rundt 20 dagar i fjor haust.