Dørseljarar og kollisjon

Måndag var det ein frontkollisjon i Svegane, rett nord for Os sentrum.

– Patruljen rykte ut. Det var heldigvis ingen personskade, seier politioveretjent Terje Sperrevik.

Måndag fekk politiet også fleire meldingar om utanlandske dørseljarar.

– Dei skal ha halde opp ein lapp med engelsk tekst og prøvd å selja noko. Meldingene kom frå Finnebrekka, Oshaugen og Kuven.

Politiet sjekkar av og til papira til slike omstreifarar, men var i går ikkje i kontakt med dei som var på salsturné.

Men Sperrevik takkar for tips og seier folk gjerne kan notera seg registreringsnummer på bil, dersom dei ser kjøretøya deira.