Mats Cato Moldskred og Ronnie Andresen - For vi er KIL

– Du er vår Jesus selv om du er muslim

I 2009 song han med Fredrik Haugen på La Manga, no hyllar Mats Cato Moldskred lagkameratane i nylaga cupfinalesong til Kongsvinger.

Av: Kjetil Vasby Bruarøy

I fjor rykte Kongsvinger opp til OBOS-ligaen, med Mats Cato Moldskred som toppskårar, i år rakk han å skåra 11 mål i ny divisjon før han blei skadd.

Moldskred er i trening igjen, denne veka på leir i Berlin, men seier til Midtsiden at det er bonus om han blir klar, og om han får nokre minutt, i cupfinalen mot Rosenborg søndag.

– Eg deltar i alle øvingane, men er ikkje 100 prosent. Når du kjem tilbake frå skade er det lett for at det dukkar opp andre småskadar, sånn har det òg vore her nede.

Moldskred har nok NM-kampar til å få pokal søndag, men håper naturlegvis at han får koma på banen for fullsett Ullevål.

I tillegg til å ha tatt seg til cupfinale har KIL vunne den første av inntil tre kvalifiseringskampar om opprykk til Tippeligaen i sin første sesong tilbake i OBOS.

Lagde musikkvideo til cupfinalen

Mens han har vore av treningsfeltet har Mats Cato vore med på å laga ny låt til laget.

Moldskred er òg vokalist på låta, der han på osamål og bergensk hyllar og fleipar med kameratane.

«Otto med drømmekropp, men to stykk trebein og ein måne på topp».

HER KAN DU SJÅ MUSIKKVIDEOEN:
Idé og melodi: Mats Cato Moldskred og Ronnie Andresen
Vokal: Mats Cato Moldskred​
Tekst: Jørgen Richardsen​ (og Mats Cato Moldskred)

Song med Fredrik Haugen på La Manga

Dette er ikkje første gong Moldskred publiserer låt med lagkameratar.

I 2009 la han ut denne videoen der han syng med blant andre Fredrik Haugen på treningsleir på La Manga med Løv-Ham.

Fleire saker