Duka for lang priskrig?
I sentrum er dieselprisen nede i 11,09, ved Uno X er det lange køar.
Kjetil Vasby Bruarøy
Fredag ettermiddag fekk Midtsiden tips om priskrig på drivstoff. Ved stasjonane i sentrum er prisane no nede i 12,59 kr per liter for bensin og 11,09 på diesel.
– Eg har nett landa frå ferie, og har ikkje oversikt. Men prisane var normale i går, mens det i dag stadig har tikka inn nye prismeldingar, seier Nils Øyvind Eidsvik hos Circle K.
– Eg lurer på om ikkje dette har samband med at Uno X er sponsor for sykkel-VM, at det er dei som starta.
Kan vera over i dag
Hos Carfix Os (tidlegare Lyssand Bil), der Uno X leiger, blir dette stadfesta av Torgeir Lyssand.
– Det stemmer, det er ein kampanje i samband med sykkel-VM.
Normalt varer priskrigar gjennom helga, gjerne til måndag formiddag.
– Bli denne krigen like lang?
– Eg har ikkje med drifta av Uno X å gjera, dei er berre leigetakar hos oss. Men eg vil tru at denne kampanjen er tiddstyrt og at den kan vera over i løpet av dagen i dag, seier Lyssand.