E-39: Regjeringa godkjenner vegen!

Grønt lys for ny veg: Stortingsproposisjonen for E39 Svegatjørn-Rådal blir truleg behandla og sendt til Stortinget i dag. Søviknes inviterer til pressekonferanse klokka 11.45.

Om lag som dette ser Statens vegvesen for seg krysset i Endelausemarka (ill: Statens Vegvesen)
Andris Hamrefredag 12. sep. 2014 11:09

Ein mangeårig kamp ser endeleg ut til å gå mot ei løysing og bli ein realitet.

I statsråd på Slottet i dag får samferdselsminister Ketil Solvik-Olsen truleg tilslutning frå HM Kongen og dei øvrige regjeringsmedlemmane til å senda proposisjonen for å bygga ny veg mellom Os og Bergen til Stortinget for endeleg behandling.

Også Bergens Tidende har fått tilsvarande signal:

«Etter det BT erfarer, er en lenge etterlengtet sak fra Hordaland blant dem regjeringen godkjenner i dag» skriv BT.no. «Dere får vente og se hva som kommer» seier, statssekretær Bård Hoksrud til BT.no.

Søviknes ønskjer ikkje å kommentera saka, men kallar inn til pressekonferanse i Oseana i klokka 11.45 i dag. Tema er ikkje kjent, men det er venta at detaljane i proposisjonen blir presentert.

Midtsiden kjem tilbake med meir.

Prosjektet E39 Svegatjørn–Rådal blei etablert for å bygga ny hovudveg mellom Os og Bergen. Utbygginga startar ved Svegatjørn i Os og held fram til Rådalen i Bergen.

Prosjektet omfattar også ny fylkesveg frå kryss i Endelausmarka til Åsenveien og utbetring av eksisterande fv. 163 for ca. 40 mill.kr.

  • Ny E39 mellom Os og Bergen blir 16.250 meter, 9.200 av desse skal gå i tunnel.
  • Det skal byggast totalt 18.000 meter hovudveg og 1300 meter ny fylkesveg med gang- og sykkelveg.
  • Kostnadsramma er 6,20 mrd kr med eit 2012-prisnivå.
  • Oppstart 2015
  • Planlagt opning i 2020

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.