– Trening i motbakke passar også for deg som ikkje liker å løpa, men vil du ha auka kondis må du òg opp i intensitet. (Arkivfoto: KVB)

Effektiv trening i motbakke

Anten du går eller løper; press deg sjølv!

Av: Kjetil Vasby Bruarøy

Fysioterapeut og personleg trenar (PT) Torill Bakke er fast Midtsiden-spaltist, og kjem i starten på kvar månad med gode råd innan trening og ernæring.

• Førre artikkel: 5 tips til ein sunn og sprek haust

Høsten er har satt inn for fullt og på flotte høstdagar er det perfekt å legga treningsturen til fjellet. Motbakkeløping er ei skånsom og effektiv kondisjonstrening. Regelmessig kondisjonstrening er viktig for å ivareta ei god helse. Med god kondisjon øker du forbrenninga di, kapasiteten din blir større og du orkar meir i kvardagen.

Motbakkeløping gir deg stor fysisk effekt på kort tid.

For å kunna auka kondisjonen din må du trena slik at du blir tung i pusten og sliten.

Å løpa i motbakke er hardt. Du må tola heftig melkesyre og du må vera tøff mentalt. Når det står på som verst gjeld det å jobba både med kropp med hovud. Vi har oftast meir å gi enn vi trur. Her gjeld det å tru på seg sjølv, ha motivasjonen på plass og å vera førebudd på å jobba hardt og målretta. Hugs òg at du må bygga deg gradvis opp for å etterkvart ta deg skikkelig ut, start alltid i det små.

Løping i fjellet er godt for både hjartet og lungene dine, samtidig som du får ei fin naturoppleving og ofte ein nydeleg utsikt med på kjøpet når du kjem på toppen. Å løpa i motbakker er ei form for kondisjonstrening som er skånsom for ledda dine. I motbakker unngår du den støtbelastniga på ledda som du får når du løper på eit flatt underlag.

Derfor kan denne treninga vera god for deg som har problem med kne eller rygg.

I motbakker kan du løpa med høgare intensitet utan at belastinga på kroppen blir større.

For mange vil det å gå vera nok for å kondisjonseffekt i motbakke.

Trening i motbakke passar derfor ypperleg også for deg som ikkje liker å løpe.

Motbakkeløping er intensiv trening. Varm derfor godt opp på førehand. Finn ein jemn rytme, løp med korte steg og ha god frekvens i beina. Bruk armane aktivt slik at dei hjelper deg litt oppover, og ha lette sko med godt grep påunderlaget.

Nedoverbakken er meir belastande for kroppen. Kjør på i motbakken, men ta det meir roleg når du går ned igjen.

Dersom du kombinerer kondisjonstrening med regelmessig styrketrening og eit godt kosthald har du eit fantastisk utgangspunkt for ei god helse. Trening må alltid prioriterast, sjølv om du ikkje alltid føler for det. Det er gull for helsa!

• Les òg: 7 enkle styrkeøvingar for joggarar

Nyt hausten og nytt deg av dei flotte fjella Vestlandet byr på! Lykke til!

Torill Bakke
Fysioterapeut, personlig trenar og kosthaldsvegleiar
@torillbakke

Fleire saker