Lokal | 16. juni 2014

– Eg er glad han hadde redningsvest på

Då faren reiste for å sjå etter sonen (10) såg han båten ligga opp-ned. Men observante ungdomar hadde allereie berga guten.

– Eg er glad han hadde redningsvest på
Ungdomar som grilla på Kongshaug Musikkgymnas sin kai redda guten som velta med gummibåt mellom Lepsøy og Brimsholmen i kveld. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøymandag 16. juni 2014 21:11

Måndag I 20.20-tida blei det sendt både luftambulanse og redningsdykkarar i retning Øyane.

Årsaka var at det kom melding om velta båt med fleire ungar i, og at nokon var sakna, men det viste seg å vera éin unge, ein gut som raskt blei berga på land.

– Dei var to kameratar som kjørte kvar sin småbåt side om side heim frå avslutting med klassen. Sonen min kjørte ein 10 fot gummibåt, fortel faren til Midtsiden.

Fann båten opp-ned

Faren kom til staden kort tid etter ulykka.

– Då eg kjørte over brua såg eg båten hans ligga opp-ned, og ein båt som såg ut som om han kjørte å leita. Det var eit forferdeleg syn.

Men guten var allereie berga på land av observante og handlekraftige ungdomar som grilla på kaien til Kongshaug under brua på Lepsøy.

Hamna under båten

Vitne skal ha fortalt faren at gutane hadde kjørt fint og at det ikkje såg ut til å ha vore særleg med bølgjer mellom Lepsøy og Brimsholmen, der ulykka skjedde.

– Vinden har truleg fått tak under båten i ei mindre bølgje og vippa den rett rundt.

Guten blei liggande i luftlomma under båten. Men hjelpa kom raskt.

Ungdomane som grilla på kaien hadde venar som allereie var i ein båt ved kaien. Dei var raskt ute og fekk snudd båten og tatt guten opp.

Takkar ungdomane

– Eg vil retta ei stor takk til desse ungdomane. Sjølv om han hadde redningsvest på var det nok ikkje nokre kjekke minutt under båten.

– Eg er også veldig glad for at han brukte redningsvest og dødmannsknapp, sjølv om han berre skulle kjøra nokre hundre meter.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.