- Eg fann, eg fann!

Bildeserie:

1 av 2

I juni starta produksjonen ved Askeladden-fabrikken igjen, og i sommar har dei tilsette hatt storopprydding på lageret.

- Vi har ein del varer som har stått litt for lenge i hyllene, så laurdag arrangerer vi loppemarknad, seier Henrik Askvik.

- Du kallar det lopper, men varene er vel verken brukt eller feilvare?

- Nokre av varene kan ha vore montert på utstillingsbåtar, og så pakka ned igjen. Men det meste er ubrukte, nye varer, men til utgåtte modellar eller båtarmodellar som har fått ny innreiing.

- Lurt å hamstra
Putesett, seter, "teak"-laminat og kalesjar er blant varene som skal seljast i ein eigen hall ved fabrikken laurdag.

- Dette er varer som kan bli både dyrt og tidkrevjande å bestilla når lageret vårt er tomt, så dei som har ein Askeladden, anten dei har ei øydelagt pute eller ikkje, kan gjera lurt i å hamstra litt reservedelar no. Det blir fine prisar, seier Tore Bøe.

I tillegg til innreiing og utstyr til konkrete båtmodellar vil Tore selja ein del utstyr som kan passa både til andre båttypar og til for eksempel campingvogn.

- Kjøleskap, ankervinsj, bauglys og anna er blant det vi har på lista.

- Vi kjem også til å selja nokre motorar, både pånhengs og innanbords. Her blir det ein minstepris og ein stille auksjon, tenker eg.

Loppemarknaden blir frå klokka 11 til 14 førstkomande laurdag.