– Eg var svinheldig
Han var heldig med både trekninga og fisket, Per Olaf Tangen, som fiska i sone 2 då sesongen i Oselvo opna i natt.
Bildeserie:
Natt til søndag opna årets sesong i Oselvo.
Mykje stor fisk har vore observert både i Os hamn og oppover i elva før opninga, og regnet som kom onsdag var med på å gjera elva brukbart stor.
Sone 0 og 1, som i år er slått saman, var utan fiskarar. Men i populære sone 2 sat Per Olaf Tangen og Christian von Essen Pedersen og tok seg ein pause.
– Eg fekk ikkje deltatt på medlemsmøtet der dei trekte fiskekort opningsnatta, men gav fullmakt til ein kamerat og fekk sone 2.
– Det er lenge sidan eg fiska opningsnatta, så eg har vore svinheldig, seier Tangen.
Litt fiskelykke hadde han og, litt før klokka eitt drog han første fisk på land, ein tert på 1,6 kg.
Første laks i kremretten?
Litt seinare, klokka 01.10, skal første laks ha blitt tatt.
– Eg skal opp å vega den no, og sjå om det er tert eller laks, skriv Ole Vidar Søviknes.
Fisken viste seg i vera litt for lett til å bli kalla laks, Kjell Huseth, som fiskar saman med Johannes Sandvik, fekk ein tert på 2,9 kilo i Spongo kremretten
På nettsida hans, prohd.no, kan du sjå bilde av fisken og eventuelle andre fiskar tatt seinare opningsnatta.
Spennande? Vil du ha ukas høgdepunkt i innboksen?
Les meir om
Tilgang til alt innhald for berre 145 kr i månaden
Di støtte gir liv til lokalavisa vår. Vi set stor pris på om du hjelper oss å spreia nyheitene!
- Tilgang til alt innhald
- Under 37 kr/veka
- Utan bindingstid
Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.