– Eg vil bu heime
Velferdsteknologi gjer eldre i stand til å klara seg sjølv lengre fortalde stipendiat Mari Synnøve Berge under Trygg i Os.
For femte året på rad inviterte Os kommune seniorar i kommunen til arrangementet trygg i Os i Oseana.
På programmet sto mellomanna foredrag ved stipendiat Mari Synnøve Berge frå Senter for omsorgsforskning Vest ved Høgskulen i Bergen. Ho har vore involvert i det såkalla "Lindåsprosjektet" kor ein har testa ut ulike typar av omsorgsteknologi over ei treårsperiode i Lindås kommune.
I tillegg til å fortelja om korleis omsorgsteknologi fungerar og kan vera i bruk i kvardagen, fortalde ho om nokre av funna i prosjektet.
– Prosjektet ville sjå på om teknologien kunne gjera slik at eldre kunne bu lengre heime.
– Funna våre stadfesta at det er nettopp det folk vil og at teknologien bidreg til å muleggjera det, men den må tilpassast til kvar einskild person og etterkvart som situasjonen for den einskilde endrar seg, forklarte Berge.
Nokon må koma heim til dei
Gjennom intervjuer med brukarar, pårørande og tilsette i omsorgstenesta har ho evaluert effektane av å nytta den tilgjengelege teknologien.
– Teknologien blei brukt som forebyggande tiltak. Som ei av brukarane sa til meg då eg intervjua ho etter fem veker; Eg kunne ikkje budd heime utan. Då hadde ho hatt nokre episoder kor ho hadde fått tilkalla hjelp via teknologien.
– Eit anna funn er at demente har veldig god hjelp av teknologien, men vi ser at ein ikkje kan snakka til brukaren via teknologien når noko skjer. I staden må nokon rykka ut og koma heim til den det gjeld, forklarte forskaren.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.