Ein tydeleg stolt Jarle Pedersen, «dagen derpå». (Foto: Kjetil Osablod Grønvigh)

– Eg visste kva han var god for

Jarle Pedersen om sonen, Sverre, sin maktdemonstrasjon i går. 

image
image
image
image
Av: Kjetil Osablod Grønvigh

I dag held skøyte-VM i Inzell fram med mellom anna lagtempo, kor Sverre Lunde Pedersen på ny skal på isen. 

Mellom ein jamn straum med folk frå inn- og utland som vil helsa på, og gratulera Jarle Pedersen, fekk vi låna nokre minutt saman med ein tydeleg stolt far.

I går tok Sverre, i ein maktdemonstrasjon, eit historisk gull på 5000 meter.

Håpa på gull

Jarle Pedersen fortel at ambisjonane var høge før gårsdagens 5000 meter;

– Han er tydeleg inne i den formtoppen han har som vane for å få i februar-mars, og vi såg teikna på allereie førre helg på Hamar

– Vi håpa på gull, og vi veit kva som bur i han, men det var ikkje før dei hadde gått fire-fem rundar at eg skjøna at dette kunne bli bra. Frå rundt sjuande runde forsto eg at han kom til å slå Kramer, og derifrå og og inn var eg sikker på siger.

Resultat av år med trening

– Kva tenkjer du var avgjerande for sigeren til Sverre i går?

– Dette var resultatet av trening gjennom mange år.

– Sverre har heile tida hatt lyst til å vera best, og dette fokuset fekk han betalt for i går.

Pedersen seier at sjølv om Sverre sette standarden med sitt løp, var det framleis spanande når Patrick Roest frå Nederland skulle gå mot tyske Patrick Beckert i siste par;

– Då stod eg oppreist og følgde med på rundetidene og fargane på storskjermen. Lenge var det grønt for Roest, men så fekk han det tungt på dei siste rundane, og då bikka det over på rødt. Då var gullet vårt.

• Les òg: Sverre takkar heimbygda 

 

 

Fleire saker