Ei elv av nedbør over Os

Bildeserie:

1 av 4

Meteorologane kallar dagens lange og tunge nedbørsmengde «ei atmosfærisk elv», ikkje ein vegg eller front, men eit samanhengande belte av fuktig luft som glir på langs inn over Vestlandet.

Dei siste 12 timane har det blitt målt 38,3 mm på Florida i Bergen og heile 55,1 mm på Gullfjellet, som i september sette uoffisell nedbørsrekord.

Natt til onsdag 26. september førte store nedbørsmengder til kollaps av bru over Eidsvegen, ras på Lyseklostervegen, vassinntrenging i minst fire bustadar - og eit stort ras i Samnanger.

• Bildeserie: Osbygdo etter bygene

Flaum, flo og fjøre

– Vi har til no ikkje fått meldingar om at vatnet har skapt problem, seier vakthavande hos Os brannvesen.

– Men det er venta ein ny nedbørstopp frå klokka 16 til 18, og etterkvart som bakkane blir meitta kan det bli problem med overvatn, for eksempel på vegane i og rundt Os.

I formiddag hadde vatnet allereie stige over E39 Osveien på Kalandseid, men ikkje i sånne mengder at trafikken blei hindra. Det kan endra seg til ettermiddagsrushet.

Pøylo i Lysefjorden var ei utfordring i september, men denne er knytt til sjøvatn, og det er full fjøre klokka 17 i dag, noko som er gunstig for ettermiddagstrafikken.

Sol og 17 gradar torsdag

Vêret skal letta onsdag formiddag, onsdag ettermiddag blir det sol og 14 gradar.

Så følgjer to døgn med sol og varme, torsdag skal temperaturen opp i 17 gradar.

• Sjå detaljert vêrmelding for Osøyro, Yr og Storm side om side på Pent.no

Fredag ettermiddag er det venta regn i Os igjen, og regnet held fram gjennom den siste haustferiehelga.

Under ser du Meteorologene sitt kart over nedbørsmengdene:

- Det høljer ned på #Vestlandet, og vi har ute farevarsel på gult nivå! Regnet vil ikke gi seg før natt til onsdag. På kartet ser du hvilke plasser som har fått aller mest de siste 12 timene ☔ Sjekk oppdaterte farevarsler på: https://t.co/sb4X9as5HV pic.twitter.com/0DOz3uagip

— Meteorologene (@Meteorologene) 9. oktober 2018